Receive exquisite poems.

Meri Kavita
meree kavitaa agar kabhee saakaar huee to
madhur mohinee madhuRtu ban kar
surabhit, sumanit, susmit ban kar
mere man kee marusthalee par
shyaamal badalee see barasegee.
meree kavitaa agar kabhee saakaar huee to
kisee phool kee pankhuriyon par
os bindu ban kar chhalakegee.

mook hRday ke spandan men kitane komal bhaav pratidhvanit.
yugon yugon kee supt vedanaa mere geeton men pratibimbit.
meree peeḌaa agar kabhee muskaan huee to
saagarikaa kee lahar lahar par
shubhr jyotsanaa see thirakegee.
meree kavitaa agar kabhee saakaar huee to ........

indr dhanuSh ke rang sajaaye ek manoram pratichhavi ujjaval.
ek preraNaa, ek chetanaa, sang sang chalatee jo pratipal.
meree yah anubhuti kabhee abhivyakti huee to
snehasikt, geelee aa(n)khon se
aa(n)soo ban kar ke Dhalakegee.
meree kavitaa agar kabhee saakaar huee to ........

kuchh karane kee aakaa(n)kShaa hai, kuchh paane kee abhilaaShaa hai.
saare svapn saty hote hain, jeevan kee yah paribhaaShaa hai.
meree aashaa agar kabhee vishvaas huee to
himagiri kee paaShaaNee chhaatee
se gangaa ban kar nikalegee.
meree kavitaa agar kabhee saakaar huee to ........

kitanaa hai vistaar sRShTi men, phir bhee kitanee seemaayen hain.
sab kuchh hai upalabdh jagat men, phir bhee kitanee kunThaayen hain.
meree dharatee agar kabhee aakaash huee to
antarikSh men ulkaa ban kar
TooT TooT kar bhee chamakegee.
meree kavitaa agar kabhee saakaar huee to ........
- Vinod Tewary
काव्य संकलन समर्पित सत्य समर्पित स्वप्न
Topic:
Life (37)
Hope Faith (18)

***
Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500
₹ 250
Another Amount
Vinod Tewary
's other poems on Kaavyaalaya

 Ek Vishwaas
 Aisee Lagtee Ho
 Jeevan Deep
 Durga Vandana
 Pyaar Kaa Naataa
 Pravaasee Geet
 Prem Gaathaa
 Meri Kavita
 Mere Madhuvan
 Yaadgaaron Ke Saaye
This Month :
'Nav Oorjaa Raag'
Bhawna Saxena


naa ab talavaaren, naa Dhaal kee baat hai,
yuddh smaarT hai, takaneek kee saugaat hai.
Dron gagan men, signal j़meen par,
saaibar kamaanD hai ab sabase oopar.

suno javaanon! ye DijiTal raN hai,
mastiShk aur masheen kaa yah sangam hai.
koD hathiyaar hai aur DeTaa ... ..

Read and listen here...
This Month :
'Darwaaze Mein Bachaa Man'
Gajendra Singh


bheegaa baarish men daravaajaa chaukhaT se kuchh jhool gayaa hai.
kabhee peḌ thaa, ye daravaajaa saty ye shaayad bhool gayaa hai.

naye-naye pad chinh naapataa khaḌaa huaa hai sahamaa-sahamaa.
kabhee banaa thaa peḌ suhaanaa dhoop-chhaa(n)v paa lamahaa-lamahaa.
chaukhaT men ab jaḌaa huaa hai ek jagah par khaḌaa huaa hai,
kabhee Thikaanaa thaa vihagon kaa aaj ...

..

Read and listen here...
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
contact us | about us
Donate

a  MANASKRITI  website