Pravaasee Geet
chalo, ghar chalen,
lauT chalen ab us dharatee par;
jahaa(n) abhee tak baaT tak rahee
jyotiheen geele nayanon se
(jinamen hain bhaviShy ke sapane
kal ke hee beete sapanon se),
aa(n)chal men maatRtv sameTe,
maa(n) kee kSheeN, TooTatee kaayaa.
vRddh pitaa bhee thakaa paraajit
kintu pravaasee putr n aayaa.
saa(n)sen bhee bojhil lagatee hain
us booḌhee durbal chhaatee par.
chalo, ghar chalen,
lauT chalen ab us dharatee par.

chalo, ghar chalen,
lauT chalen ab us dharatee par;
jahaa(n) bahan kee kaatar aa(n)khen
taak rahee hain neelaa ambar.
aa(n)soo se miT gaee usee kee
sajee huee alpanaa dvaar par.
soonaa rahaa dooj kaa aasan,
chaa(n)d sareekhaa bhaaee n aayaa.
apanee seemaaon men bandee,
ek pravaasee lauT n paayaa.
sookh gayaa rochanaa haa(n)th men,
bikhar gaye chaaval ke daane.
chhoTee bahan udaas, ruvaasee,
bhaiyaa aaye naheen manaane.
ab to kitanee dhool jam gaee
raakhee kee resham Doree par.
chalo, ghar chalen,
lauT chalen ab us dharatee par.

chalo, ghar chalen,
lauT chalen ab us dharatee par.
kitanaa viSham, vivash hai jeevan!
rozagaar ke kitane bandhan!
keval ek patr aayaa hai,
chhoTaa saa sandesh aayaa hai,
bahut vyast hain, aa n sakenge.
shaayad agale saal milenge.
ek varSh kee aur prateekShaa,
mamataa kee yah vikaT pareekShaa.
dheere dheere diye bujh rahe
hain aashaaon kee deharee par.
chalo, ghar chalen,
lauT chalen ab us dharatee par.

chalo, ghar chalen,
lauT chalen ab us dharatee par.
agalaa saal kahaa(n) aataa hai
aakhir sab kuchh kho jaataa hai
antaraal kee gaharaaee men.
jeevan to chalataa rahataa hai
bheeḌ bhaaḌ kee tanahaaee men.
naee naee mahifilen lagengee,
naye dost ahabaab milenge.
is mithyaa maayaa nagaree men
naye saazo-saamaan sajenge.
lekin phir vah baat n hogee,
jo apane hain, vah n rahenge.
ghar kaa vah maahaul n hogaa,
ye beete kShaN mil n sakenge.
vartamaan to jal jaataa hai
kaal devataa kee kaaThee par.
chalo, ghar chalen,
lauT chalen ab us dharatee par.

chalo, ghar chalen,
lauT chalen ab us dharatee par.
jahaa(n) abhee bhee pyaar milegaa,
rooThe to manuhaar milegaa,
apane sar kee kasam milegee,
naazuk saa isaraar milegaa.
holee aur divaalee hogee,
raakhee kaa tyohaar milegaa.
saavan kee bauchhaar milegee,
madhurim megh-malhaar milegaa.
dhunak dhunak Dholak kee dhun par
kajaree kaa upahaar milegaa.
ek saral sansaar milegaa,
ek Thos aadhaar milegaa
ek aTal vishvaas jagegaa,
apanee praamaaNik hastee par.
chalo, ghar chalen,
lauT chalen ab us dharatee par.

chalo, ghar chalen,
lauT chalen ab us dharatee par.
pooree hotee naheen prateekShaa,
kabhee pravaasee lauT n paaye.
kitanaa rotee rahee yashodaa,
gaye dvaarakaa shyaam n aaye.
dasharath gae sidhaar chitaa, par
raam gae vanavaas, n aaye.
kitane rakShaabandhan beete,
bhaiyaa gaye videsh, n aaye.
ambar ek, ek hai pRthvee,
phir bhee desh-desh dooree par.
chalo, ghar chalen,
lauT chalen ab us dharatee par.

chalo, ghar chalen,
lauT chalen ab us dharatee par.
jahaa(n) prateekShaa karate karate
sookh gaee aa(n)soo kee saritaa.
udvelit, utpeeḌit man ke
aahat sapanon kee aakulataa.
takate takate baaT, chitaa par.
raakh ho gaee maa(n) kee mamataa.
door gagan ke paar gaee vah
aa(n)khon men le sirph vivashataa.
ek phool hee arpit kar den
us sookhee, jarjar asthee par.
chalo, ghar chalen,
lauT chalen ab us dharatee par.

chalo, ghar chalen,
lauT chalen ab us dharatee par.
jahaa(n) abhee vah raakh milegee,
jisamen nihit ek snehil chhavi,
smRtiyon ke komal svar men
madhur madhur loree gaayegee.
aur usee aa(n)chal men chhip kar,
kisee pravaasee man kee peeḌaa,
yugon yugon kee yah vyaakulataa,
pighal pighal kar bah jaayegee.
ek alaukik shaanti milegee.
aa(n)kh moo(n)d kar so jaayenge,
sar rakh kar maa(n) kee miTTee par.
chalo, ghar chalen,
lauT chalen ab us dharatee par.
- Vinod Tewary
काव्य संकलन समर्पित सत्य समर्पित स्वप्न

***
Vinod Tewary
's other poems on Kaavyaalaya

 Ek Vishwaas
 Aisee Lagtee Ho
 Jeevan Deep
 Durga Vandana
 Pyaar Kaa Naataa
 Pravaasee Geet
 Prem Gaathaa
 Meri Kavita
 Mere Madhuvan
 Yaadgaaron Ke Saaye
This Month :
'Chhipaa Lenaa'
Ram Krishna "Kaushal"


jab veg pavan kaa baḌh jaae
anchal men deep chhipaa lenaa.

kuchh kahate kahate ruk jaanaa
kuchh aankhon aankhon kah denaa
kuchh sun lenaa chupake chupake
kuchh chupake chupake sah lenaa

rahane dekar man kee man men
tum geet praNay ke gaa lenaa

jab veg man kaa baḌh jaae
anchal men deep chhipaa lenaa.

nabh men neerav taare honge
man men hongee baaten manakee
kuchh sapane honge rang bhare
kuchh yaaden beete jeevan kee

jab chaand ghaTaa men muskaae
tum ur kee peer sulaa lenaa

jab veg pavan kaa baḌh jaae
anchal men deep chhipaa lenaa.

kuchh sanyam se kuchh nishchay se
nij yauvan man chhalate jaanaa

Read and listen here...
This Month :
'Soorya'
Ramdhari Singh 'Dinkar'


soory, tumhen dekhate-dekhate
main vRddh ho gayaa.

log kahate hain,
mainne tumhaaree kiraNen pee hain,
tumhaaree aag ko
paas baiThakar taapaa hai.

aur afavaah yah bhee hai
..

Read and listen here...
This Month :

'Kaavyaalaya Statistics - July 2020 to March 2021'


जब विश्व भर में मानवजाति एक नए अदृश्य ख़तरे से लड़ रही थी, तब काव्यालय के जीवन में क्या हो रहा था? प्रस्तुत है काव्यालय का चौथा वार्षिक रिपोर्ट -- ..

Read and listen here...
आज नदी बिल्कुल उदास थी -- केदारनाथ अग्रवाल
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
submission | contact us | about us

a  MANASKRITI  website