Aath Varsh

rimajhim saavan barasaa jab
ank tumhen bhar laayee thee
kuchh khoyee see, kuchh aboojh
kuchh khush, kuchh ghabaraaee thee

gol maTol, chaar pair par
ghar aa(n)gan sab naap liyaa
nanhe vaaman jaise tumane
meraa pariseeman bhaanp liyaa

pahalee baar tees minaT jab
tumase huee judaaee thee
daravaaze par baiThee baiThee
ro ro aa(n)kh sujaayee thee

dheere dheere gyaat huaa
tum aise naheen ho vaise ho
jagah jagah sunatee aayee
tum jaane kaise kaise ho

Thok peeT kar saanche men
tumako sabane gaḌhanaa chaahaa
par mainne poore man se
sirph tumhen paḌhanaa chaahaa

mujhako niyamon kaanoonon se
dastooron se kuchh kaam naheen
ye ham donon kee duniyaa hai
yahaa(n) aur kisee kaa naam naheen

jo mukharit hote shabdon men
unake bhee bhaav bikharate hain
tum aa(n)khon se jo kahate ho
vo seedhe, hRday utarate hain

sab kahate hain , tum mujhase ho
main tumase jeevan paatee hoo(n)
tum sote ho jab aa(n)kh bheench
main dekh dekh bhar jaatee hoo(n) ...

Topic: