Aisee Lagtee Ho - Vinod Tewary. काव्यालय| Kaavyaalaya: House of Hindi Poetry

agar kaho to aaj bataa doo(n)
mujhako tum kaisee lagatee ho.
meree naheen magar jaane kyon,
kuchh kuchh apanee see lagatee ho.

neel gagan kee neel kamalinee,
neel nayaninee, neel pankhinee.
shaant, saumy, saakaar neelimaa
neel paree see sumukhi, mohinee.
ek bhaavanaa, ek kaamanaa,
ek kalpanaa see lagatee ho.
mujhako tum aisee lagatee ho.

tum himagiri ke maanasarovar
see, rahasyamay gahan aparimit.
vyaapak vistRt vRhat magar tum
apanee seemaaon men seemit.
poorN prakRti, men poorNatv kee
tum prateek naaree lagatee ho.
mujhako tum aisee lagatee ho.

tum naaree ho, param sundaree
lalit kalaaon kee udgam ho.
tum visheSh ho, svayan sareekhee
aur naheen, tum keval tum ho.
kShiti jal paavak gagan sameeraa
rachit raaginee see lagatee ho.
mujhako tum aisee lagatee ho.

kabhee kabhee chanchal taranginee
see, saagar par thirak thirak kar
kautuk se taT ko nihaaratee
iThalaatee muhan uThaa uThaa kar.
boo(n)d boo(n)d, taT kee baahon men
hokar shithil, pighal paḌatee ho.
mujhako tum aisee lagatee ho.

satyam shivam sundaram shaashvat
kaa samoort bhautik chitraN ho.
sarv vyaapt ho, param sookShm ho,
svayan sRjak ho, svatः sRjan ho.
paribhaaShaa se pare, svayan tum
apanee paribhaaShaa lagatee ho.
mujhako tum aisee lagatee ho.

agar kaho to aaj bataa doo(n)
mujhako tum kaisee lagatee ho.
saty kahoon, sankShipt kahoon to,
mujhako tum achchhee lagatee ho.

- Vinod Tewary

Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500

₹ 250

Another Amount

Vinod Tewary
's other poems on Kaavyaalaya

Ek Vishwaas

Aisee Lagtee Ho

Jeevan Deep

Durga Vandana

Pyaar Kaa Naataa

Pravaasee Geet

Prem Gaathaa

Meri Kavita

Mere Madhuvan

Yaadgaaron Ke Saaye

This Month :
'Tumhaare Saath Rahkar'
Sarveshwardayal Saxena

tumhaare saath rahakar
aksar mujhe aisaa mahasoos huaa hai
ki dishaae(n) paas aa gayee hain,
har raastaa chhoTaa ho gayaa hai,
duniyaa simaTakar
ek aa(n)gan-see ban gayee hai
jo khachaakhach bharaa hai,
kaheen bhee ekaant naheen
n baahar, n bheetar.

har cheez kaa aakaar ghaT gayaa hai,
peḌ itane
..

Read more here...

This Month :
'Hamaaree Sahyatra'
Jyotsana Mishra

kabhee-kabhee jeevan koee ghoShaNaa naheen karataa—
vah bas bahataa hai,
jaise koee puraanaa raag,
dheere-dheere aatmaa men utarataa huaa,
binaa shor, binaa aagrah.

hamaare saath ke tees varSh poorN hue hain.
kabhee lagataa hai hamane samay ko jiyaa,
kabhee lagataa hai samay ne hamen taraashaa.
yah saath keval varSh naheen the—
yah do aatmaaon kaa maun sanvaad thaa,
jo shabdon se pare,
par bhaavon se bharapoor rahaa.

jab hamane saath chalanaa shuroo kiyaa,
tum the svapnadraShTaa—
shabdon ke jaadoogar,
bhaviShy ke rangeen rekhaachitron men Doobe hue.
aur main…
main thee vah zameen
..

Read and listen here...

This Month :
'Tum To Pahle Aise Naa The'
Satya Mishra

tum to pahale aise n the
raat biraat aaoge
der saver aaoge...
ham neend men rahen
aa(n)kh naa khule
to rooTh jaaoge...

svapn men aaoge
divaasvapn dikhaaoge
ham kalam uThaae(n)ge
to chhip jaaoge...

bechainiyon kaa kabhee
..

Read more here...

This Month :
'Kuchh Prem Kavitaayein'
Pradeep Shukla

1.
prem kavitaa, kahaaniyaa(n) aur ph़ilmen
jahaa(n) tak le jaa sakatee hain
main gayaa hoo(n) usake paar
kaee baar.
ik ajeeb-see bechainee hotee hai vahaa(n)
jee karataa hai thaam loo(n) koee cheej
koee haath, koee sahaaraa.
main Tik naheen paataa vahaa(n) der tak.

suno,
abase
..

Read and listen here...