Yaadgaaron Ke Saaye - Vinod Tewary. काव्यालय| Kaavyaalaya: House of Hindi Poetry

jab kabhee teree yaad aatee hai
chaandanee men nahaa ke aatee hai.
bheeg jaate hain aa(n)kh men sapane
shab men shabanam bahaa ke aatee hai.

meree tanahaaee ke tasavvur men
teree tasaveer ubhar aatee hai.
too naheen hai to teree yaad sahee
zindagee kuchh to sanvar jaatee hai.

jab bahaaron kaa zikr aataa hai
mere maazee kee daastaanon men
tab tere phool se tabassum kaa
rang bharataa hai aasamaanon men.

too kaheen door ufak se chal kar
mere khyaalon men utar aatee hai.
mere veeraan biyaabaanon men
pyaar ban kar ke bikhar jaatee hai.

too kisee pankharee ke daaman par
os kee tarah jhilamilaatee hai.
meree raaton kee hasaraten ban kar
too sitaaron men TimaTimaatee hai.

vakte ruḳhasat kee bebasee aisee
aa(n)kh se aarazoo ayaa(n) n huee.
dil se aaee thee baat hoThon tak
bezubaanee magar zubaan n huee.

ek lamahe ke dard ko lekar
kitanee sadiyaan udaas rahatee hain.
dooriyaan jo kabhee naheen miTateen
meree manzil ke paas rahatee hain.

raat aaee to bekalee lekar
sahar aaee to bekaraar aaee.
chand ulajhe huye se afasaane
zindagee aur kuchh naheen laaee.

chashme puranam bahee, bahee, n bahee.
zindagee hai, rahee, rahee, n rahee.
tum to kah do jo tumako kahanaa thaa
meraa kyaa hai kahee, kahee, n kahee.

- Vinod Tewary

Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500

₹ 250

Another Amount

Vinod Tewary
's other poems on Kaavyaalaya

Ek Vishwaas

Aisee Lagtee Ho

Jeevan Deep

Durga Vandana

Pyaar Kaa Naataa

Pravaasee Geet

Prem Gaathaa

Meri Kavita

Mere Madhuvan

Yaadgaaron Ke Saaye

This Month :
'Kuchh Prem Kavitaayein'
Pradeep Shukla

1.
prem kavitaa, kahaaniyaa(n) aur ph़ilmen
jahaa(n) tak le jaa sakatee hain
main gayaa hoo(n) usake paar
kaee baar.
ik ajeeb-see bechainee hotee hai vahaa(n)
jee karataa hai thaam loo(n) koee cheej
koee haath, koee sahaaraa.
main Tik naheen paataa vahaa(n) der tak.

suno,
abase
..

Read and listen here...

This Month :
'Swatantrataa Kaa Deepak'
Gopalsingh Nepali

ghor andhakaar ho, chal rahee bayaar ho,
aaj dvaar dvaar par yah diyaa bujhe naheen.
yah nisheeth kaa diyaa laa rahaa vihaan hai.

shakti kaa diyaa huaa, shakti ko diyaa huaa,
bhakti se diyaa huaa, yah svatantrataadiyaa,
ruk rahee n naav ho, zor kaa bahaav ho,
aaj gangadhaar par yah diyaa bujhe naheen!
yah svadesh kaa diyaa praaN ke samaan hai!
..

Read more here...

This Month :
'Yuddh Kee Vibheeshikaa'
Gajendra Singh

yuddh agar anivaary hai socho samaraangaN kaa kyaa hogaa?
aise hee chalataa rahaa samar to naee phasal kaa kyaa hogaa?

har or dhue(n) ke baadal hain, har or aag ye phailee hai.
bachapan kee aa(n)khen bhayaakraant, khaNDahar ghar, dharatee mailee hai.
chhaayaa nabh men kaalaa patajhaḌ, kho gayaa kahaa(n) neelaa manjar?
jharanon kaa gaanaa thaa kal tak, par aaj maut kee railee hai.

kilakaaree bharate ..

Read and listen here...