Rang

tumhaare paas bahut se rang hain
dostee, pyaar, ikaraar,
ummeedon aur khushiyon ke.
sapanon kaa to rang-birangaa
chandovaa hee taan diyaa hai tumane.
nishchhal muskaan kaa bhee to,
ek aur rang hai tumhaare paas.
o mere anokhe rangarej,
rang diyaa hai tumane
meree benoor duniyaa ko
apane tilasmee rangon ke jaadoo se.

mere paas bas ek hee rang hai
samarpaN kaa.
aao, rang doon tumhen.
mausam bhee hai aur dastoor bhee.
is rang badalatee duniyaa men
aao, surakShit rakh den ham,
apane-apane rangon ko
ek doosare ke paas.
taaki bache rahen ye rang
aur bachee rahe yah kaayanaat bhee,
badarang hone se.

Topic: