Receive exquisite poems.

Raat Aadhee Kheench Kar Meree Hathelee
raat aadhee kheench kar meree hathelee
ek ungalee se likhaa thaa pyaar tumane.

faasalaa thaa kuchh hamaare bistaron men
aur chaaron or duniyaa so rahee thee.
taarikaaain hee gagan kee jaanatee hain
jo dashaa dil kee tumhaare ho rahee thee.
main tumhaare paas hokar door tumase
adhajagaa saa aur adhasoyaa huaa saa.
raat aadhee kheench kar meree hathelee
ek ungalee se likhaa thaa pyaar tumane.

ek bijalee chhoo gaee sahasaa jagaa main
kRShNapakShee chaa(n)d nikalaa thaa gagan men.
is tarah karavaT paḌee thee tum ki aa(n)soo
bah rahe the is nayan se us nayan men.
main lagaa doo(n) aag is sansaar men
hai pyaar jisamen is tarah asamarth kaatar.
jaanatee ho us samay kyaa kar guzarane
ke lie thaa kar diyaa taiyaar tumane!
raat aadhee kheench kar meree hathelee
ek ungalee se likhaa thaa pyaar tumane.

praat hee kee or ko hai raat chalatee
au ujaale men andheraa Doob jaataa.
manch hee pooraa badalataa kaun aisee
khoobiyon ke saath parade ko uThaataa.
ek cheharaa saa lagaa tumane liyaa thaa
aur mainne thaa utaaraa ek cheharaa.
vo nishaa kaa svapn meraa thaa ki apane
par gḥazab kaa thaa kiyaa adhikaar tumane.
raat aadhee kheench kar meree hathelee
ek ungalee se likhaa thaa pyaar tumane.

aur utane faasale par aaj tak
sau yatn karake bhee n aaye phir kabhee ham.
phir n aayaa vakt vaisaa
phir n maukaa us tarah kaa
phir n lauTaa chaa(n)d nirmam.
aur apanee vedanaa main kyaa bataaoo(n).
kyaa naheen ye panktiyaa(n) khud bolatee hain?
bujh naheen paayaa abhee tak us samay jo
rakh diyaa thaa haath par angaar tumane.
raat aadhee kheench kar meree hathelee
- Harivansh Rai Bachchan
Recited by: Vinod Tewary
Topic:
Love (62)

***
Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500
₹ 250
Another Amount
Harivansh Rai Bachchan
's other poems on Kaavyaalaya

 Andhere Kaa Deepak
 Is Paar Us Paar
 Kahte Hain Taare Gaate Hain
 Jugnoo
 Need Kaa Nirmaan
 Prateekshaa
 Madhushaalaa
 Mujhe Pukaar Lo
 Yaatraa Aur Yaatree
 Raat Aadhee Kheench Kar Meree Hathelee
 Lo Din Bitaa, Lo Raat Gayee
This Month :
'Hamaaree Sahyatra'
Jyotsana Mishra


kabhee-kabhee jeevan koee ghoShaNaa naheen karataa—
vah bas bahataa hai,
jaise koee puraanaa raag,
dheere-dheere aatmaa men utarataa huaa,
binaa shor, binaa aagrah.

hamaare saath ke tees varSh poorN hue hain.
kabhee lagataa hai hamane samay ko jiyaa,
kabhee lagataa hai samay ne hamen taraashaa.
yah saath keval varSh naheen the—
yah do aatmaaon kaa maun sanvaad thaa,
jo shabdon se pare,
par bhaavon se bharapoor rahaa.

jab hamane saath chalanaa shuroo kiyaa,
tum the svapnadraShTaa—
shabdon ke jaadoogar,
bhaviShy ke rangeen rekhaachitron men Doobe hue.
aur main…
main thee vah zameen
..

Read and listen here...
This Month :
'Tum To Pahle Aise Naa The'
Satya Mishra


tum to pahale aise n the
raat biraat aaoge
der saver aaoge...
ham neend men rahen
aa(n)kh naa khule
to rooTh jaaoge...

svapn men aaoge
divaasvapn dikhaaoge
ham kalam uThaae(n)ge
to chhip jaaoge...

bechainiyon kaa kabhee
..

Read more here...
This Month :
'Kuchh Prem Kavitaayein'
Pradeep Shukla


1.
prem kavitaa, kahaaniyaa(n) aur ph़ilmen
jahaa(n) tak le jaa sakatee hain
main gayaa hoo(n) usake paar
kaee baar.
ik ajeeb-see bechainee hotee hai vahaa(n)
jee karataa hai thaam loo(n) koee cheej
koee haath, koee sahaaraa.
main Tik naheen paataa vahaa(n) der tak.

suno,
abase
..

Read and listen here...
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
contact us | about us
Donate

a  MANASKRITI  website