Receive exquisite poems.
Mujhe Pukaar Lo
iseelie khaḌaa rahaa ki tum mujhe pukaar lo!

zameen hai n bolatee n aasamaan bolataa,
jahaan dekhakar mujhe naheen jabaan kholataa,
       naheen jagah kaheen jahaa(n) n ajanabee ginaa gayaa,
       kahaa(n)-kahaa(n) n phir chukaa dimaag-dil TaTolataa,
kahaa(n) manuShy hai ki jo umeed chhoḌakar jiyaa,
iseelie khaḌaa rahaa ki tum mujhe pukaar lo

iseelie khaḌaa rahaa ki tum mujhe pukaar lo!

timir-samudr kar sakee n paar netr kee taree,
vinaShT svapn se ladee, viShaad yaad se bharee,
       n kool bhoomi kaa milaa, n kor bhor kee milee,
       n kaT sakee, n ghaT sakee virah-ghiree vibhaavaree,
kahaa(n) manuShy hai jise kamee khalee n pyaar kee,
iseelie khaḌaa rahaa ki tum mujhe dulaar lo!

iseelie khaḌaa rahaa ki tum mujhe pukaar lo!

ujaaḌ se lagaa chukaa umeed main bahaar kee,
nidaagh se umeed kee basant ke bayaar kee,
       marusthalee mareechikaa sudhaamayee mujhe lagee,
       angaar se lagaa chukaa umeed mai tuShaar kee,
kahaa(n) manuShy hai jise n bhool shool-see gaḌee
iseelie khaḌaa rahaa ki bhool tum sudhaar lo!

iseelie khaḌaa rahaa ki tum mujhe pukaar lo!
pukaar kar dulaar lo, dulaar kar sudhaar lo!
- Harivansh Rai Bachchan
Topic:
Love (60)

***
Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500
₹ 250
Another Amount
Harivansh Rai Bachchan
's other poems on Kaavyaalaya

 Andhere Kaa Deepak
 Is Paar Us Paar
 Kahte Hain Taare Gaate Hain
 Jugnoo
 Need Kaa Nirmaan
 Prateekshaa
 Madhushaalaa
 Mujhe Pukaar Lo
 Yaatraa Aur Yaatree
 Raat Aadhee Kheench Kar Meree Hathelee
 Lo Din Bitaa, Lo Raat Gayee
This Month :
'Pedon Kaa Antarman'
Hemant Deolekar


kal maanasoon kee pahalee barasaat huee
aur aaj yah daravaaj़aa
kh़ushee se phool gayaa hai

khiD़kee daravaaj़e mahaj़ lakaD़ee naheen
visthaapit jangal hote hain

mujhe lagaa, main peD़on ke beech se aataa-jaataa hoon
Tahaniyon par ...
..

Read and listen here...
This Month :
'Chhaataa'
Prem Ranjan Animesh


jinake sir Dha(n)kane ke lie
chhaten hotee hain
vahee rakhate hain chhaate

har baar sochataa hoo(n)
ek chhat kaa jugaaḌ karu(n)gaa
aur loo(n)gaa ek chhaataa

is shahar ke logon ke paas
jo chhaataa hai
usamen

isalie
sochataa hoo(n)
main loo(n)gaa
to loo(n)gaa aasamaan
ki jisamen sab aa jaayen

aur baahar khaḌaa bheegataa rahe
bas meraa akelaapan

baraabar lagataa hai
chhaate
rishte naate hain
barasaat men kaam aate hain
aur akasar
chhooT jaate hain !

..

Read and listen here...
This Month :
'Ek Manahsthiti '
Shanti Mehrotra


kabhee-kabhee lagataa hai
jaise ghar kee pakkee chhat, deevaaren, chaukhaTen
meree garam saa(n)son se pighal kar
mom-see bah gaee hain.

keval ye khiḌakiyaa(n)-daravaaje jaise
kabhee ..

Read and listen here...
This Month :
'Khilone Kee Chaabee'
Nupur Ashok


itanee baar bharee gaee hai
duःkh, takaleeph aur tyaag kee chaabee
ki maa(n) ban chukee hai ek khilaunaa
ghoom rahee hai gol-gol
..

Read and listen here...
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
contact us | about us
Donate

a  MANASKRITI  website