Receive exquisite poems.
Jugnoo
a(n)dheree raat men deepak jalaae kaun baiThaa hai?

                uThee aisee ghaTaa nabh men
                chhipe sab chaand au' taare,
                uThaa toophaan vah nabh men
                gae bujh deep bhee saare,
magar is raat men bhee lau lagaae kaun baiThaa hai?
a(n)dheree raat men deepak jalaae kaun baiThaa hai?

                gagan men garv se uThauTh,
                gagan men garv se ghiraghir,
                garaj kahatee ghaTaae(n) hain,
                naheen hogaa ujaalaa phir,
magar chir jyoti men niShThaa jamaae kaun baiThaa hai?
a(n)dheree raat men deepak jalaae kaun baiThaa hai?

                timir ke raaj kaa aisaa
                kaThin aatank chhaayaa hai,
                uThaa jo sheesh sakate the
                unhonen sir jhukaayaa hai,
magar vidroh kee jvaalaa jalaae kaun baiThaa hai?
a(n)dheree raat men deepak jalaae kaun baiThaa hai?

                pralay kaa sab samaa(n) baandhe
                pralay kee raat hai chhaaee,
                vinaashak shaktiyon kee is
                timir ke beech ban aaee,
magar nirmaaN men aashaa dRḌhaae kaun baiThaa hai?
a(n)dheree raat men deepak jalaae kaun baiThaa hai?

                prabhanjan, megh daaminee ne
                n kyaa toḌaa, n kyaa phoḌaa,
                dharaa ke aur nabh ke beech
                kuchh saabit naheen chhoḌaa,
magar vishvaas ko apane bachaae kaun baiThaa hai?
a(n)dheree raat men deepak jalaae kaun baiThaa hai?

                pralay kee raat men soche
                praNay kee baat kyaa koee,
                magar paḌ prem bandhan men
                samajh kisane naheen khoee,
kisee ke path men palaken bichhaae kaun baiThaa hai?
a(n)dheree raat men deepak jalaae kaun baiThaa hai?
- Harivansh Rai Bachchan
Topic:
Hope Faith (18)
Resolve (14)

***
Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500
₹ 250
Another Amount
Harivansh Rai Bachchan
's other poems on Kaavyaalaya

 Andhere Kaa Deepak
 Is Paar Us Paar
 Kahte Hain Taare Gaate Hain
 Jugnoo
 Need Kaa Nirmaan
 Prateekshaa
 Madhushaalaa
 Mujhe Pukaar Lo
 Yaatraa Aur Yaatree
 Raat Aadhee Kheench Kar Meree Hathelee
 Lo Din Bitaa, Lo Raat Gayee
This Month :
'Kuchh Prem Kavitaayein'
Pradeep Shukla


1.
prem kavitaa, kahaaniyaa(n) aur ph़ilmen
jahaa(n) tak le jaa sakatee hain
main gayaa hoo(n) usake paar
kaee baar.
ik ajeeb-see bechainee hotee hai vahaa(n)
jee karataa hai thaam loo(n) koee cheej
koee haath, koee sahaaraa.
main Tik naheen paataa vahaa(n) der tak.

suno,
abase
..

Read and listen here...
This Month :
'Swatantrataa Kaa Deepak'
Gopalsingh Nepali


ghor andhakaar ho, chal rahee bayaar ho,
aaj dvaar dvaar par yah diyaa bujhe naheen.
yah nisheeth kaa diyaa laa rahaa vihaan hai.

shakti kaa diyaa huaa, shakti ko diyaa huaa,
bhakti se diyaa huaa, yah svatantrataadiyaa,
ruk rahee n naav ho, zor kaa bahaav ho,
      aaj gangadhaar par yah diyaa bujhe naheen!
      yah svadesh kaa diyaa praaN ke samaan hai!
..

Read more here...
This Month :
'Yuddh Kee Vibheeshikaa'
Gajendra Singh


yuddh agar anivaary hai socho samaraangaN kaa kyaa hogaa?
aise hee chalataa rahaa samar to naee phasal kaa kyaa hogaa?

har or dhue(n) ke baadal hain, har or aag ye phailee hai.
bachapan kee aa(n)khen bhayaakraant, khaNDahar ghar, dharatee mailee hai.
chhaayaa nabh men kaalaa patajhaḌ, kho gayaa kahaa(n) neelaa manjar?
jharanon kaa gaanaa thaa kal tak, par aaj maut kee railee hai.

kilakaaree bharate ..

Read and listen here...
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
contact us | about us
Donate

a  MANASKRITI  website