mRdu bhaavon ke angooron kee aaj banaa laayaa haalaa,
priyatam, apane hee haathon se aaj pilaaoo(n)gaa pyaalaa,
pahale bhog lagaa loo(n) teraa phir prasaad jag paaegaa,
sabase pahale teraa svaagat karatee meree madhushaalaa..1.
pyaas tujhe to, vishv tapaakar poorN nikaaloo(n)gaa haalaa,
ek paa(n)v se saakee banakar naachoo(n)gaa lekar pyaalaa,
jeevan kee madhutaa to tere oopar kab kaa vaar chukaa,
aaj nichhaavar kar doo(n)gaa main tujh par jag kee madhushaalaa..2.
priyatam, too meree haalaa hai, main teraa pyaasaa pyaalaa,
apane ko mujhamen bharakar too banataa hai peenevaalaa,
main tujhako chhak chhalakaa karataa, mast mujhe pee too hotaa,
ek doosare kee ham donon aaj paraspar madhushaalaa..3.
bhaavukataa angoor lataa se kheench kalpanaa kee haalaa,
kavi saakee banakar aayaa hai bharakar kavitaa kaa pyaalaa,
kabhee n kaN-bhar khaalee hogaa laakh pie(n), do laakh pie(n)!
paaThakagaN hain peenevaale, pustak meree madhushaalaa..4.
madhur bhaavanaaon kee sumadhur nity banaataa hoo(n) haalaa,
bharataa hoo(n) is madhu se apane antar kaa pyaasaa pyaalaa,
uThaa kalpanaa ke haathon se svayan use pee jaataa hoo(n),
apane hee men hoo(n) main saakee, peenevaalaa, madhushaalaa..5.
madiraalay jaane ko ghar se chalataa hai peenevalaa,
'kis path se jaaoo(n)?' asamanjas men hai vah bholaabhaalaa,
alag-alag path batalaate sab par main yah batalaataa hoo(n) -
'raah pakaD़ too ek chalaa chal, paa jaaegaa madhushaalaa.'. 6.
chalane hee chalane men kitanaa jeevan, haay, bitaa Daalaa!
'door abhee hai', par, kahataa hai har path batalaanevaalaa,
himmat hai n baDhoo(n) aage ko saahas hai n phiru(n) peechhe,
kinkartavyavimooDh़ mujhe kar door khaD़ee hai madhushaalaa..7.
mukh se too avirat kahataa jaa madhu, madiraa, maadak haalaa,
haathon men anubhav karataa jaa ek lalit kalpit pyaalaa,
dhyaan kie jaa man men sumadhur sukhakar, sundar saakee kaa,
aur baDh़aa chal, pathik, n tujhako door lagegee madhushaalaa..8.
madiraa peene kee abhilaaShaa hee ban jaae jab haalaa,
adharon kee aaturataa men hee jab aabhaasit ho pyaalaa,
bane dhyaan hee karate-karate jab saakee saakaar, sakhe,
rahe n haalaa, pyaalaa, saakee, tujhe milegee madhushaalaa..9.
sun, kalakal़ , chhalachhal़ madhughaT se giratee pyaalon men haalaa,
sun, roonajhun roonajhun chal vitaraN karatee madhu saakeebaalaa,
bas aa pahunche, dur naheen kuchh, chaar kadam ab chalanaa hai,
chahak rahe, sun, peenevaale, mahak rahee, le, madhushaalaa..1०.
jalatarang bajataa, jab chunban karataa pyaale ko pyaalaa,
veeNaa jhankRt hotee, chalatee jab roonajhun saakeebaalaa,
Daa(n)T DapaT madhuvikretaa kee dhvanit pakhaavaj karatee hai,
madhurav se madhu kee maadakataa aur baDh़aatee madhushaalaa..11.
menhadee ranjit mRdul hathelee par maaNik madhu kaa pyaalaa,
angooree avagunThan Daale svarN varN saakeebaalaa,
paag bainjanee, jaamaa neelaa DaaT DaTe peenevaale,
indradhanuSh se hoD़ lagaatee aaj rangeelee madhushaalaa..12.
haathon men aane se pahale naaj़ dikhaaegaa pyaalaa,
adharon par aane se pahale adaa dikhaaegee haalaa,
bahutere inakaar karegaa saakee aane se pahale,
pathik, n ghabaraa jaanaa, pahale maan karegee madhushaalaa..13.
laal suraa kee dhaar lapaT see kah n ise denaa jvaalaa,
phenil madiraa hai, mat isako kah denaa ur kaa chhaalaa,
dard nashaa hai is madiraa kaa vigat smRtiyaa(n) saakee hain,
peeD़aa men aanand jise ho, aae meree madhushaalaa..14.
jagatee kee sheetal haalaa see pathik, naheen meree haalaa,
jagatee ke ThanDe pyaale saa pathik, naheen meraa pyaalaa,
jvaal suraa jalate pyaale men dagdh hRday kee kavitaa hai,
jalane se bhayabheet n jo ho, aae meree madhushaalaa..15.
bahatee haalaa dekhee, dekho lapaT uThaatee ab haalaa,
dekho pyaalaa ab chhoote hee honTh jalaa denevaalaa,
'honTh naheen, sab deh dahe, par peene ko do boond mile'
aise madhu ke deevaanon ko aaj bulaatee madhushaalaa..16.
dharmagranth sab jalaa chukee hai, jisake antar kee jvaalaa,
mandir, masajid, girije, sab ko toD़ chukaa jo matavaalaa,
panDit, momin, paadirayon ke phandon ko jo kaaT chukaa,
kar sakatee hai aaj usee kaa svaagat meree madhushaalaa..17.
laalaayit adharon se jisane, haay, naheen choomee haalaa,
harSh-vikanpit kar se jisane, haa, n chhuaa madhu kaa pyaalaa,
haath pakaD़ lajjit saakee ko paas naheen jisane kheenchaa,
vyarth sukhaa Daalee jeevan kee usane madhumay madhushaalaa..18.
bane pujaaree premee saakee, gangaajal paavan haalaa,
rahe pherataa avirat gati se madhu ke pyaalon kee maalaa'
'aur liye jaa, aur peeye jaa', isee mantr kaa jaap kare'
main shiv kee pratimaa ban baiThoon, mandir ho yah madhushaalaa..19.
bajee n mandir men ghaḌiyaalee, chaDh़ee n pratimaa par maalaa,
baiThaa apane bhavan muajzin dekar masjid men taalaa,
luTe kh़jaane narapitayon ke gireen gaDh़on kee deevaaren,
rahen mubaarak peenevaale, khulee rahe yah madhushaalaa..2०.
baD़e baD़e parivaar miTen yon, ek n ho ronevaalaa,
ho jaae(n) sunasaan mahal ve, jahaa(n) thirakateen surabaalaa,
raajy ulaT jaae(n), bhoopon kee bhaagy sulakShmee so jaae,
jame rahenge peenevaale, jagaa karegee madhushaalaa..21.
sab miT jaae(n), banaa rahegaa sundar saakee, yam kaalaa,
sookhen sab ras, bane rahenge, kintu, halaahal au' haalaa,
dhoomadhaam au' chahal pahal ke sthaan sabhee sunasaan banen,
jagaa karegaa avirat maraghaT, jagaa karegee madhushaalaa..22.
bhuraa sadaa kahalaayegaa jag men baa(n)kaa, madachanchal pyaalaa,
chhail chhabeelaa, rasiyaa saakee, alabelaa peenevaalaa,
paTe kahaa(n) se, madhu au' jag kee joD़ee Theek naheen,
jag jarjar pratidan, pratikShaN, par nity navelee madhushaalaa..23.
binaa piye jo madhushaalaa ko buraa kahe, vah matavaalaa,
pee lene par to usake muh par paD़ jaaegaa taalaa,
daas drohiyon donon men hai jeet suraa kee, pyaale kee,
vishvavijayinee banakar jag men aaee meree madhushaalaa..24.
haraa bharaa rahataa madiraalay, jag par paD़ jaae paalaa,
vahaa(n) muharram kaa tam chhaae, yahaa(n) holikaa kee jvaalaa,
svarg lok se seedhee utaree vasudhaa par, dukh kyaa jaane,
paDh़e marsiyaa duniyaa saaree, eed manaatee madhushaalaa..25.
ek baras men, ek baar hee jagatee holee kee jvaalaa,
ek baar hee lagatee baaj़ee, jalatee deepon kee maalaa,
duniyaavaalon, kintu, kisee din aa madiraalay men dekho,
din ko holee, raat divaalee, roj़ manaatee madhushaalaa..26.
naheen jaanataa kaun, manuj aayaa banakar peenevaalaa,
kaun apirichat us saakee se, jisane doodh pilaa paalaa,
jeevan paakar maanav peekar mast rahe, is kaaraN hee,
jag men aakar sabase pahale paaee usane madhushaalaa..27.
banee rahen angoor lataae(n) jinase milatee hai haalaa,
banee rahe vah miTaTee jisase banataa hai madhu kaa pyaalaa,
banee rahe vah madir pipaasaa tRpt n jo honaa jaane,
banen rahen ye peene vaale, banee rahe yah madhushaalaa..28.
sakushal samajho mujhako, sakushal rahatee yadi saakeebaalaa,
mangal aur amangal samajhe mastee men kyaa matavaalaa,
mitron, meree kShem n poochho aakar, par madhushaalaa kee,
kahaa karo 'jay raam' n milakar, kahaa karo 'jay madhushaalaa'..29.
soory bane madhu kaa vikretaa, sindhu bane ghaT, jal, haalaa,
baadal ban-ban aae saakee, bhoomi bane madhu kaa pyaalaa,
jhaD़ee lagaakar barase madiraa rimajhim, rimajhim, rimajhim kar,
beli, viTap, tRN ban main peeoo(n), varShaa Rtu ho madhushaalaa..3०.
taarak maNiyon se sajjit nabh ban jaae madhu kaa pyaalaa,
seedhaa karake bhar dee jaae usamen saagarajal haalaa,
matt sameeraN saakee banakar adharon par chhalakaa jaae,
phaile hon jo saagar taT se vishv bane yah madhushaalaa..31.
adharon par ho koee bhee ras jihavaa par lagatee haalaa,
bhaajan ho koee haathon men lagataa rakkhaa hai pyaalaa,
har soorat saakee kee soorat men parivartit ho jaatee,
aa(n)khon ke aage ho kuchh bhee, aa(n)khon men hai madhushaalaa..32.
paudhe aaj bane hain saakee le le phoolon kaa pyaalaa,
bharee huee hai jisake andar piramal-madhu-suribhat haalaa,
maa(n)g maa(n)gakar bhramaron ke dal ras kee madiraa peete hain,
jhoom jhapak mad-jhanpit hote, upavan kyaa hai madhushaalaa!.33.
prati rasaal taroo saakee saa hai, prati manjarikaa hai pyaalaa,
chhalak rahee hai jisake baahar maadak saurabh kee haalaa,
chhak jisako matavaalee koyal kook rahee Daalee Daalee
har madhuRtu men amaraaee men jag uThatee hai madhushaalaa..34.
mand jhakoron ke pyaalon men madhuRtu saurabh kee haalaa
bhar bharakar hai anil pilaataa banakar madhu-mad-matavaalaa,
hare hare nav pallav, taroogaN, nootan Daalen, vallariyaa(n),
chhak chhak, jhuk jhuk jhoom rahee hain, madhuban men hai madhushaalaa..35.
saakee ban aatee hai praatः jab aruNaa ooShaa baalaa,
taarak-maNi-manDit chaadar de mol dharaa letee haalaa,
agaNit kar-kiraNon se jisako pee, khag paagal ho gaate,
prati prabhaat men poorN prakRti men mukhirat hotee madhushaalaa..36.
utar nashaa jab usakaa jaataa, aatee hai sandhyaa baalaa,
baD़ee puraanee, baD़ee nasheelee nity Dhalaa jaatee haalaa,
jeevan ke santaap shok sab isako peekar miT jaate
suraa-supt hote mad-lobhee jaagRt rahatee madhushaalaa..37.
andhakaar hai madhuvikretaa, sundar saakee shashibaalaa
kiraN kiraN men jo chhalakaatee jaam jumhaaee kaa haalaa,
peekar jisako chetanataa kho lene lagate hain jhapakee
taarakadal se peenevaale, raat naheen hai, madhushaalaa..38.
kisee or main aa(n)khen pheroo(n), dikhalaaee detee haalaa
kisee or main aa(n)khen pheroo(n), dikhalaaee detaa pyaalaa,
kisee or main dekhoon, mujhako dikhalaaee detaa saakee
kisee or dekhoon, dikhalaaee paD़tee mujhako madhushaalaa..39.
saakee ban muralee aaee saath lie kar men pyaalaa,
jinamen vah chhalakaatee laaee adhar-sudhaa-ras kee haalaa,
yogiraaj kar sangat usakee naTavar naagar kahalaae,
dekho kaison-kaison ko hai naach nachaatee madhushaalaa..4०.
vaadak ban madhu kaa vikretaa laayaa sur-sumadhur-haalaa,
raaginiyaa(n) ban saakee aaee bharakar taaron kaa pyaalaa,
vikretaa ke sanketon par dauD़ layon, aalaapon men,
paan karaatee shrotaagaN ko, jhankRt veeNaa madhushaalaa..41.
chitrakaar ban saakee aataa lekar toolee kaa pyaalaa,
jisamen bharakar paan karaataa vah bahu ras-rangee haalaa,
man ke chitr jise pee-peekar rang-birange ho jaate,
chitrapaTee par naach rahee hai ek manohar madhushaalaa..42.
ghan shyaamal angoor lataa se khinch khinch yah aatee haalaa,
arooN-kamal-komal kaliyon kee pyaalee, phoolon kaa pyaalaa,
lol hiloren saakee ban ban maaNik madhu se bhar jaateen,
hans matt hote pee peekar maanasarovar madhushaalaa..43.
him shreNee angoor lataa-see phailee, him jal hai haalaa,
chanchal nadiyaa(n) saakee banakar, bharakar laharon kaa pyaalaa,
komal koor-karon men apane chhalakaatee nishidin chalateen,
peekar khet khaD़e laharaate, bhaarat paavan madhushaalaa..44.
dheer suton ke hRday rakt kee aaj banaa raktim haalaa,
veer suton ke var sheeshon kaa haathon men lekar pyaalaa,
ati udaar daanee saakee hai aaj banee bhaaratamaataa,
svatantrataa hai tRShit kaalikaa balivedee hai madhushaalaa..45.
dutakaaraa masjid ne mujhako kahakar hai peenevaalaa,
Thukaraayaa Thaakuradvaare ne dekh hathelee par pyaalaa,
kahaa(n) Thikaanaa milataa jag men bhalaa abhaage kaaphir ko?
sharaNasthal banakar n mujhe yadi apanaa letee madhushaalaa..46.
pathik banaa main ghoom rahaa hoo(n), sabhee jagah milatee haalaa,
sabhee jagah mil jaataa saakee, sabhee jagah milataa pyaalaa,
mujhe Thaharane kaa, he mitron, kaShT naheen kuchh bhee hotaa,
mile n mandir, mile n masjid, mil jaatee hai madhushaalaa..47.
sajen n masjid aur namaaj़ee kahataa hai allaataalaa,
sajadhajakar, par, saakee aataa, ban Thanakar, peenevaalaa,
shekh, kahaa(n) tulanaa ho sakatee masjid kee madiraalay se
chir vidhavaa hai masjid teree, sadaa suhaagin madhushaalaa..48.
bajee naph़eeree aur namaaj़ee bhool gayaa allaataalaa,
gaaj giree, par dhyaan suraa men magn rahaa peenevaalaa,
shekh, buraa mat maano isako, saaph़ kahoo(n) to masjid ko
abhee yugon tak sikhalaaegee dhyaan lagaanaa madhushaalaa!.49.
musalamaan au' hindoo hai do, ek, magar, unakaa pyaalaa,
ek, magar, unakaa madiraalay, ek, magar, unakee haalaa,
donon rahate ek n jab tak masjid mandir men jaate,
bair baDh़aate masjid mandir mel karaatee madhushaalaa!.5०.
koee bhee ho shekh namaaj़ee yaa panDit japataa maalaa,
bair bhaav chaahe jitanaa ho madiraa se rakhanevaalaa,
ek baar bas madhushaalaa ke aage se hokar nikale,
dekhoo(n) kaise thaam n letee daaman usakaa madhushaalaa!.51.
aur rason men svaad tabhee tak, door jabhee tak hai haalaa,
itaraa len sab paatr n jab tak, aage aataa hai pyaalaa,
kar len poojaa shekh, pujaaree tab tak masjid mandir men
ghoo(n)ghaT kaa paT khol n jab tak jhaa(n)k rahee hai madhushaalaa..52.
aaj kare parahej़ jagat, par, kal peenee hogee haalaa,
aaj kare inkaar jagat par kal peenaa hogaa pyaalaa,
hone do paidaa mad kaa mahamood jagat men koee, phir
jahaa(n) abhee hain mandir masjid vahaa(n) banegee madhushaalaa..53.
yagy agni see dhadhak rahee hai madhu kee bhaTaThee kee jvaalaa,
RShi saa dhyaan lagaa baiThaa hai har madiraa peene vaalaa,
muni kanyaaon see madhughaT le phirateen saakeebaalaae(n),
kisee tapovan se kyaa kam hai meree paavan madhushaalaa..54.
som suraa purakhe peete the, ham kahate usako haalaa,
droNakalash jisako kahate the, aaj vahee madhughaT aalaa,
vedivahit yah rasm n chhoD़o vedon ke Thekedaaron,
yug yug se hai pujatee aaee naee naheen hai madhushaalaa..55.
vahee vaarooNee jo thee saagar mathakar nikalee ab haalaa,
ranbhaa kee santaan jagat men kahalaatee 'saakeebaalaa',
dev adev jise le aae, sant mahant miTaa denge!
kisamen kitanaa dam kham, isako khoob samajhatee madhushaalaa..56.
kabhee n sun paD़taa, 'isane, haa, chhoo dee meree haalaa',
kabhee n koee kahataa, 'usane jooThaa kar Daalaa pyaalaa',
sabhee jaati ke log yahaa(n) par saath baiThakar peete hain,
sau sudhaarakon kaa karatee hai kaam akele madhushaalaa..57.
shram, sankaT, santaap, sabhee tum bhoolaa karate pee haalaa,
sabak baD़aa tum seekh chuke yadi seekhaa rahanaa matavaalaa,
vyarth bane jaate ho hirajan, tum to madhujan hee achchhe,
Thukaraate hain mandiravaale, palak bichhaatee madhushaalaa..58.
ek tarah se sabakaa svaagat karatee hai saakeebaalaa,
agy vigy men hai kyaa antar ho jaane par matavaalaa,
rank raav men bhed huaa hai kabhee naheen madiraalay men,
saamyavaad kee pratham prachaarak hai yah meree madhushaalaa..59.
baar baar mainne aage baDh़ aaj naheen maa(n)gee haalaa,
samajh n lenaa isase mujhako saadhaaraN peene vaalaa,
ho to lene do ai saakee door pratham sankochon ko,
mere hee svar se phir saaree goo(n)j uThegee madhushaalaa..6०.
kal? kal par vishvaas kiyaa kab karataa hai peenevaalaa
ho sakate kal kar jaD़ jinase phir phir aaj uThaa pyaalaa,
aaj haath men thaa, vah khoyaa, kal kaa kaun bharosaa hai,
kal kee ho n mujhe madhushaalaa kaal kuTil kee madhushaalaa..61.
aaj milaa avasar, tab phir kyon main n chhakoo(n) jee-bhar haalaa
aaj milaa maukaa, tab phir kyon Dhaal n loo(n) jee-bhar pyaalaa,
chheD़chhaaD़ apane saakee se aaj n kyon jee-bhar kar loo(n),
ek baar hee to milanee hai jeevan kee yah madhushaalaa..62.
aaj sajeev banaa lo, preyasee, apane adharon kaa pyaalaa,
bhar lo, bhar lo, bhar lo isamen, yauvan madhuras kee haalaa,
aur lagaa mere hoThon se bhool haTaanaa tum jaao,
athak banoo main peenevaalaa, khule praNay kee madhushaalaa..63.
sumukhee tumhaaraa, sundar mukh hee, mujhako kanchan kaa pyaalaa
chhalak rahee hai jisamen maaNik roop madhur maadak haalaa,
main hee saakee banataa, main hee peene vaalaa banataa hoo(n)
jahaa(n) kaheen mil baiThe ham tum़ vaheen gayee ho madhushaalaa..64.
do din hee madhu mujhe pilaakar oob uThee saakeebaalaa,
bharakar ab khisakaa detee hai vah mere aage pyaalaa,
naaj़, adaa, andaajon se ab, haay pilaanaa door huaa,
ab to kar detee hai keval farz - adaaee madhushaalaa..65.
chhoTe-se jeevan men kitanaa pyaar karu(n), pee loo(n) haalaa,
aane ke hee saath jagat men kahalaayaa 'jaanevaalaa',
svaagat ke hee saath vidaa kee hotee dekhee taiyaaree,
band lagee hone khulate hee meree jeevan-madhushaalaa..66.
kyaa peenaa, nirdvand n jab tak Dhaalaa pyaalon par pyaalaa,
kyaa jeenaa, nishchint n jab tak saath rahe saakeebaalaa,
khone kaa bhay, haay, lagaa hai paane ke sukh ke peechhe,
milane kaa aanand n detee milakar ke bhee madhushaalaa..67.
mujhe pilaane ko laae ho itanee thoD़ee-see haalaa!
mujhe dikhaane ko laae ho ek yahee chhichhalaa pyaalaa!
itanee pee jeene se achchhaa saagar kee le pyaas maru(n),
sindhu-tRShaa dee kisane rachakar bindu-baraabar madhushaalaa..68.
kyaa kahataa hai, rah n gaee ab tere bhaajan men haalaa,
kyaa kahataa hai, ab n chalegee maadak pyaalon kee maalaa,
thoD़ee peekar pyaas baDh़ee to sheSh naheen kuchh peene ko,
pyaas bujhaane ko bulavaakar pyaas baDh़aatee madhushaalaa..69.
likhee bhaagy men jitanee bas utanee hee paaegaa haalaa,
likhaa bhaagy men jaisaa bas vaisaa hee paaegaa pyaalaa,
laakh paTak too haath paa(n)v, par isase kab kuchh hone kaa,
likhee bhaagy men jo tere bas vahee milegee madhushaalaa..7०.
kar le, kar le kanjoosee too mujhako dene men haalaa,
de le, de le too mujhako bas yah TooTaa phooTaa pyaalaa,
main to sabr isee par karataa, too peechhe pachhataaegee,
jab n rahoo(n)gaa main, tab meree yaad karegee madhushaalaa..71.
dhyaan maan kaa, apamaanon kaa chhoD़ diyaa jab pee haalaa,
gaurav bhoolaa, aayaa kar men jab se miTTee kaa pyaalaa,
saakee kee andaaj़ bharee jhiD़kee men kyaa apamaan dharaa,
duniyaa bhar kee Thokar khaakar paaee mainne madhushaalaa..72.
kSheeN, kShudr, kShaNabhangur, durbal maanav miTaTee kaa pyaalaa,
bharee huee hai jisake andar kaTu-madhu jeevan kee haalaa,
mRtyu banee hai nirday saakee apane shat-shat kar phailaa,
kaal prabal hai peenevaalaa, sansRti hai yah madhushaalaa..73.
pyaale saa gaDh़ hamen kisee ne bhar dee jeevan kee haalaa,
nashaa n bhaayaa, Dhaalaa hamane le lekar madhu kaa pyaalaa,
jab jeevan kaa dard ubharataa use dabaate pyaale se,
jagatee ke pahale saakee se joojh rahee hai madhushaalaa..74.
apane angooron se tan men hamane bhar lee hai haalaa,
kyaa kahate ho, shekh, narak men hamen tapaaegee jvaalaa,
tab to madiraa khoob khinchegee aur piegaa bhee koee,
hamen namak kee jvaalaa men bhee deekh paD़egee madhushaalaa..75.
yam aaegaa lene jab, tab khoob chaloo(n)gaa pee haalaa,
peeD़aa, sankaT, kaShT narak ke kyaa samajhegaa matavaalaa,
kroor, kaThor, kuTil, kuvichaaree, anyaayee yamaraajon ke
DanDon kee jab maar paD़egee, aaD़ karegee madhushaalaa..76.
yadi in adharon se do baaten prem bharee karatee haalaa,
yadi in khaalee haathon kaa jee pal bhar bahalaataa pyaalaa,
haani bataa, jag, teree kyaa hai, vyarth mujhe badanaam n kar,
mere TooTe dil kaa hai bas ek khilaunaa madhushaalaa..77.
yaad n aae dukhamay jeevan isase pee letaa haalaa,
jag chintaaon se rahane ko mukt, uThaa letaa pyaalaa,
shauk, saadh ke aur svaad ke hetu piyaa jag karataa hai,
par mai vah rogee hoo(n) jisakee ek davaa hai madhushaalaa..78.
giratee jaatee hai din pratidan praNayanee praaNon kee haalaa
bhagn huaa jaataa din pratidan subhage meraa tan pyaalaa,
rooTh rahaa hai mujhase roopasee, din din yauvan kaa saakee
sookh rahee hai din din sundaree, meree jeevan madhushaalaa..79.
yam aayegaa saakee banakar saath lie kaalee haalaa,
pee n hosh men phir aaegaa suraa-visudh yah matavaalaa,
yah antim behoshee, antim saakee, antim pyaalaa hai,
pathik, pyaar se peenaa isako phir n milegee madhushaalaa.8०.
Dhalak rahee hai tan ke ghaT se, sanginee jab jeevan haalaa
patr garal kaa le jab antim saakee hai aanevaalaa,
haath sparsh bhoole pyaale kaa, svaad suraa jeevhaa bhoole
kaano men tum kahatee rahanaa, madhu kaa pyaalaa madhushaalaa..81.
mere adharon par ho antim vastu n tulaseedal pyaalaa
meree jeevhaa par ho antim vastu n gangaajal haalaa,
mere shav ke peechhe chalane vaalon yaad ise rakhanaa
raam naam hai saty n kahanaa, kahanaa sachchee madhushaalaa..82.
mere shav par vah roye, ho jisake aansoo men haalaa
aah bhare vo, jo ho suribhat madiraa pee kar matavaalaa,
de mujhako vo kaandhaa jinake pag mad Dagamag hote hon
aur jaloon us Thaur jahaan par kabhee rahee ho madhushaalaa..83.
aur chitaa par jaaye unDhelaa paatr n ghrit kaa, par pyaalaa
kanTh bandhe angoor lataa men madhy n jal ho, par haalaa,
praaN priye yadi shraadh karo tum meraa to aise karanaa
peene vaalon ko bulavaa kar़ khulavaa denaa madhushaalaa..84.
naam agar koee poochhe to, kahanaa bas peenevaalaa
kaam Dhaalanaa, aur Dhaalanaa sabako madiraa kaa pyaalaa,
jaati priye, poochhe yadi koee kah denaa deevaanon kee
dharm bataanaa pyaalon kee le maalaa japanaa madhushaalaa..85.
gyaat huaa yam aane ko hai le apanee kaalee haalaa,
panDit apanee pothee bhoolaa, saadhoo bhool gayaa maalaa,
aur pujaaree bhoolaa poojaa, gyaan sabhee gyaanee bhoolaa,
kintu n bhoolaa marakar ke bhee peenevaalaa madhushaalaa..86.
yam le chalataa hai mujhako to, chalane de lekar haalaa,
chalane de saakee ko mere saath lie kar men pyaalaa,
svarg, narak yaa jahaa(n) kaheen bhee teraa jee ho lekar chal,
Thaur sabhee hain ek tarah ke saath rahe yadi madhushaalaa..87.
paap agar peenaa, samadoShee to teenon - saakee baalaa,
nity pilaanevaalaa pyaalaa, pee jaanevaalee haalaa,
saath inhen bhee le chal mere nyaay yahee batalaataa hai,
kaid jahaa(n) main hoo(n), kee jaae kaid vaheen par madhushaalaa..88.
shaant sakee ho ab tak, saakee, peekar kis ur kee jvaalaa,
'aur, aur' kee raTan lagaataa jaataa har peenevaalaa,
kitanee ichchhaae(n) har jaanevaalaa chhoD़ yahaa(n) jaataa!
kitane aramaanon kee banakar kabr khaD़ee hai madhushaalaa..89.
jo haalaa main chaah rahaa thaa, vah n milee mujhako haalaa,
jo pyaalaa main maa(n)g rahaa thaa, vah n milaa mujhako pyaalaa,
jis saakee ke peechhe main thaa deevaanaa, n milaa saakee,
jisake peechhe thaa main paagal, haa n milee vah madhushaalaa!.9०.
dekh rahaa hoo(n) apane aage kab se maaNik-see haalaa,
dekh rahaa hoo(n) apane aage kab se kanchan kaa pyaalaa,
'bas ab paayaa!'- kah-kah kab se dauD़ rahaa isake peechhe,
kintu rahee hai door kShitij-see mujhase meree madhushaalaa..91.
kabhee niraashaa kaa tam ghirataa, chhip jaataa madhu kaa pyaalaa,
chhip jaatee madiraa kee aabhaa, chhip jaatee saakeebaalaa,
kabhee ujaalaa aashaa karake pyaalaa phir chamakaa jaatee,
aa(n)kh michaulee khel rahee hai mujhase meree madhushaalaa..92.
'aa aage' kahakar kar peechhe kar letee saakeebaalaa,
honTh lagaane ko kahakar har baar haTaa letee pyaalaa,
naheen mujhe maaloom kahaa(n) tak yah mujhako le jaaegee,
baDh़aa baDh़aakar mujhako aage, peechhe haTatee madhushaalaa..93.
haathon men aane-aane men, haay, phisal jaataa pyaalaa,
adharon par aane-aane men haay, Dhulak jaatee haalaa,
duniyaavaalo, aakar meree kismat kee ḳhoobee dekho,
rah-rah jaatee hai bas mujhako milate-milate madhushaalaa..94.
praapy nahee hai to, ho jaatee lupt naheen phir kyon haalaa,
praapy nahee hai to, ho jaataa lupt naheen phir kyon pyaalaa,
door n itanee himmat haaru(n), paas n itanee paa jaaoo(n),
vyarth mujhe dauD़aatee maru men mRgajal banakar madhushaalaa..95.
mile n, par, lalachaa lalachaa kyon aakul karatee hai haalaa,
mile n, par, tarasaa tarasaakar kyon taD़paataa hai pyaalaa,
haay, niyati kee viSham lekhanee mastak par yah khod gaee
'door rahegee madhu kee dhaaraa, paas rahegee madhushaalaa!'.96.
madiraalay men kab se baiThaa, pee n sakaa ab tak haalaa,
yatn sahit bharataa hoo(n), koee kintu ulaT detaa pyaalaa,
maanav-bal ke aage nirbal bhaagy, sunaa vidyaalay men,
'bhaagy prabal, maanav nirbal' kaa paaTh paDh़aatee madhushaalaa..97.
kismat men thaa khaalee khappar, khoj rahaa thaa main pyaalaa,
Dhoo(n)Dh़ rahaa thaa main mRganayanee, kismat men thee mRgachhaalaa,
kisane apanaa bhaagy samajhane men mujhasaa dhokhaa khaayaa,
kismat men thaa avaghaT maraghaT, Dhoo(n)Dh़ rahaa thaa madhushaalaa..98.
us pyaale se pyaar mujhe jo door hathelee se pyaalaa,
us haalaa se chaav mujhe jo door adhar se hai haalaa,
pyaar naheen paa jaane men hai, paane ke aramaanon men!
paa jaataa tab, haay, n itanee pyaaree lagatee madhushaalaa..99.
saakee ke paas hai tanik see shree, sukh, sanpit kee haalaa,
sab jag hai peene ko aatur le le kismat kaa pyaalaa,
rel Thel kuchh aage baDh़te, bahutere dabakar marate,
jeevan kaa sangharSh naheen hai, bheeD़ bharee hai madhushaalaa..1००.
saakee, jab hai paas tumhaare itanee thoD़ee see haalaa,
kyon peene kee abhilaShaa se, karate sabako matavaalaa,
ham pis pisakar marate hain, tum chhip chhipakar musakaate ho,
haay, hamaaree peeD़aa se hai kreeD़aa karatee madhushaalaa..1०1.
saakee, mar khapakar yadi koee aage kar paayaa pyaalaa,
pee paayaa keval do boondon se n adhik teree haalaa,
jeevan bhar kaa, haay, pirashram looT liyaa do boondon ne,
bhole maanav ko Thagane ke hetu banee hai madhushaalaa..1०2.
jisane mujhako pyaasaa rakkhaa banee rahe vah bhee haalaa,
jisane jeevan bhar dauD़aayaa banaa rahe vah bhee pyaalaa,
matavaalon kee jihvaa se hain kabhee nikalate shaap naheen,
dukhee banaayaa jisane mujhako sukhee rahe vah madhushaalaa!.1०3.
naheen chaahataa, aage baDh़kar chheenoo(n) auron kee haalaa,
naheen chaahataa, dhakke dekar, chheenoo(n) auron kaa pyaalaa,
saakee, meree or n dekho mujhako tanik malaal naheen,
itanaa hee kyaa kam aa(n)khon se dekh rahaa hoo(n) madhushaalaa..1०4.
mad, madiraa, madhu, haalaa sun-sun kar hee jab hoo(n) matavaalaa,
kyaa gati hogee adharon ke jab neeche aaegaa pyaalaa,
saakee, mere paas n aanaa main paagal ho jaaoo(n)gaa,
pyaasaa hee main mast, mubaarak ho tumako hee madhushaalaa..1०5.
kyaa mujhako aavashyakataa hai saakee se maa(n)goo(n) haalaa,
kyaa mujhako aavashyakataa hai saakee se chaahoo(n) pyaalaa,
peekar madiraa mast huaa to pyaar kiyaa kyaa madiraa se!
main to paagal ho uThataa hoo(n) sun letaa yadi madhushaalaa..1०6.
dene ko jo mujhe kahaa thaa de n sakee mujhako haalaa,
dene ko jo mujhe kahaa thaa de n sakaa mujhako pyaalaa,
samajh manuj kee durbalataa main kahaa naheen kuchh bhee karataa,
kintu svayan hee dekh mujhe ab sharamaa jaatee madhushaalaa..1०7.
ek samay santuShT bahut thaa paa main thoD़ee-see haalaa,
bholaa-saa thaa meraa saakee, chhoTaa-saa meraa pyaalaa,
chhoTe-se is jag kee mere svarg balaae(n) letaa thaa,
vistRt jag men, haay, gaee kho meree nanhee madhushaalaa!.1०8.
bahutere madiraalay dekhe, bahuteree dekhee haalaa,
bhaa(n)ti bhaa(n)ti kaa aayaa mere haathon men madhu kaa pyaalaa,
ek ek se baDh़kar, sundar saakee ne satkaar kiyaa,
ja(n)chee n aa(n)khon men, par, koee pahalee jaisee madhushaalaa..1०9.
ek samay chhalakaa karatee thee mere adharon par haalaa,
ek samay jhoomaa karataa thaa mere haathon par pyaalaa,
ek samay peenevaale, saakee aalingan karate the,
aaj banee hoo(n) nirjan maraghaT, ek samay thee madhushaalaa..11०.
jalaa hRday kee bhaTTee kheenchee mainne aa(n)soo kee haalaa,
chhalachhal chhalakaa karataa isase pal pal palakon kaa pyaalaa,
aa(n)khen aaj banee hain saakee, gaal gulaabee pee hote,
kaho n virahee mujhako, main hoo(n) chalatee phiratee madhushaalaa!.111.
kitanee jaldee rang badalatee hai apanaa chanchal haalaa,
kitanee jaldee ghisane lagataa haathon men aakar pyaalaa,
kitanee jaldee saakee kaa aakarShaN ghaTane lagataa hai,
praat naheen thee vaisee, jaisee raat lagee thee madhushaalaa..112.
boo(n)d boo(n)d ke hetu kabhee tujhako tarasaaegee haalaa,
kabhee haath se chhin jaaegaa teraa yah maadak pyaalaa,
peenevaale, saakee kee meeThee baaton men mat aanaa,
mere bhee guN yon hee gaatee ek divas thee madhushaalaa..113.
chhoD़aa mainne path maton ko tab kahalaayaa matavaalaa,
chalee suraa meraa pag dhone toD़aa jab mainne pyaalaa,
ab maanee madhushaalaa mere peechhe peechhe phiratee hai,
kyaa kaaraN? ab chhoD़ diyaa hai mainne jaanaa madhushaalaa..114.
yah n samajhanaa, piyaa halaahal mainne, jab n milee haalaa,
tab mainne khappar apanaayaa le sakataa thaa jab pyaalaa,
jale hRday ko aur jalaanaa soojhaa, mainne maraghaT ko
apanaayaa jab in charaNon men loT rahee thee madhushaalaa..115.
kitanee aaee aur gaee pee is madiraalay men haalaa,
TooT chukee ab tak kitane hee maadak pyaalon kee maalaa,
kitane saakee apanaa apanaa kaam khatam kar door gae,
kitane peenevaale aae, kintu vahee hai madhushaalaa..116.
kitane hoThon ko rakkhegee yaad bhalaa maadak haalaa,
kitane haathon ko rakkhegaa yaad bhalaa paagal pyaalaa,
kitanee shaklon ko rakkhegaa yaad bhalaa bholaa saakee,
kitane peenevaalon men hai ek akelee madhushaalaa..117.
dar dar ghoom rahaa thaa jab main chillaataa - haalaa! haalaa!
mujhe n milataa thaa madiraalay, mujhe n milataa thaa pyaalaa,
milan huaa, par naheen milanasukh likhaa huaa thaa kismat men,
main ab jamakar baiTh gayaa hoo(n), ghoom rahee hai madhushaalaa..118.
main madiraalay ke andar hoo(n), mere haathon men pyaalaa,
pyaale men madiraalay binbit karanevaalee hai haalaa,
is udheD़-bun men hee meraa saaraa jeevan beet gayaa -
main madhushaalaa ke andar yaa mere andar madhushaalaa!.119.
kise naheen peene se naataa, kise naheen bhaataa pyaalaa,
is jagatee ke madiraalay men tarah-tarah kee hai haalaa,
apanee-apanee ichchhaa ke anusaar sabhee pee madamaate,
ek sabhee kaa maadak saakee, ek sabhee kee madhushaalaa..12०.
vah haalaa, kar shaant sake jo mere antar kee jvaalaa,
jisamen main binbit-pratibinbit pratipal, vah meraa pyaalaa,
madhushaalaa vah naheen jahaa(n) par madiraa bechee jaatee hai,
bhenT jahaa(n) mastee kee milatee meree to vah madhushaalaa..121.
matavaalaapan haalaa se le mainne taj dee hai haalaa,
paagalapan lekar pyaale se, mainne tyaag diyaa pyaalaa,
saakee se mil, saakee men mil apanaapan main bhool gayaa,
mil madhushaalaa kee madhutaa men bhool gayaa main madhushaalaa..122.
madiraalay ke dvaar Thonkataa kismat kaa chhoonchhaa pyaalaa,
gaharee, ThanDee saansen bhar bhar kahataa thaa har matavaalaa,
kitanee thoD़ee see yauvan kee haalaa, haa, main pee paayaa!
band ho gaee kitanee jaldee meree jeevan madhushaalaa..123.
kahaa(n) gayaa vah svargik saakee, kahaa(n) gayee suribhat haalaa,
kahaa(n) gayaa svapinal madiraalay, kahaa(n) gayaa svarNim pyaalaa!
peenevaalon ne madiraa kaa mooly, haay, kab pahachaanaa?
phooT chukaa jab madhu kaa pyaalaa, TooT chukee jab madhushaalaa..124.
apane yug men sabako anupam gyaat huee apanee haalaa,
apane yug men sabako adabhut gyaat huaa apanaa pyaalaa,
phir bhee vRddhon se jab poochhaa ek yahee uttar paayaa -
ab n rahe ve peenevaale, ab n rahee vah madhushaalaa!.125.
'may' ko karake shuddh diyaa ab naam gayaa usako, 'haalaa'
'meenaa' ko 'madhupaatr' diyaa 'saagar' ko naam gayaa 'pyaalaa',
kyon n maulavee chaunken, bichaken tilak-tripunDee panDit jee
'may-mahiphal' ab apanaa lee hai mainne karake 'madhushaalaa'..126.
kitane marm jataa jaatee hai baar-baar aakar haalaa,
kitane bhed bataa jaataa hai baar-baar aakar pyaalaa,
kitane arthon ko sanketon se batalaa jaataa saakee,
phir bhee peenevaalon ko hai ek pahelee madhushaalaa..127.
jitanee dil kee gaharaaee ho utanaa gaharaa hai pyaalaa,
jitanee man kee maadakataa ho utanee maadak hai haalaa,
jitanee ur kee bhaavukataa ho utanaa sundar saakee hai,
jitanaa hee jo risak, use hai utanee rasamay madhushaalaa..128.
jin adharon ko chhue, banaa de mast unhen meree haalaa,
jis kar ko chhoo de, kar de vikShipt use meraa pyaalaa,
aa(n)kh chaar hon jisakee mere saakee se deevaanaa ho,
paagal banakar naache vah jo aae meree madhushaalaa..129.
har jivhaa par dekhee jaaegee meree maadak haalaa
har kar men dekhaa jaaegaa mere saakee kaa pyaalaa
har ghar men charchaa ab hogee mere madhuvikretaa kee
har aangan men gamak uThegee meree suribhat madhushaalaa..13०.
meree haalaa men sabane paaee apanee-apanee haalaa,
mere pyaale men sabane paayaa apanaa-apanaa pyaalaa,
mere saakee men sabane apanaa pyaaraa saakee dekhaa,
jisakee jaisee ruchi thee usane vaisee dekhee madhushaalaa..131.
yah madiraalay ke aa(n)soo hain, naheen-naheen maadak haalaa,
yah madiraalay kee aa(n)khen hain, naheen-naheen madhu kaa pyaalaa,
kisee samay kee sukhadasmRti hai saakee banakar naach rahee,
naheen-naheen kavi kaa hRdayaangaN, yah virahaakul madhushaalaa..132.
kuchal hasaraten kitanee apanee, haay, banaa paayaa haalaa,
kitane aramaanon ko karake ḳhaak banaa paayaa pyaalaa!
pee peenevaale chal denge, haay, n koee jaanegaa,
kitane man ke mahal Dhahe tab khaD़ee huee yah madhushaalaa!.133.
vishv tumhaare viShamay jeevan men laa paaegee haalaa
yadi thoD़ee-see bhee yah meree madamaatee saakeebaalaa,
shoony tumhaaree ghaḌiyaa(n) kuchh bhee yadi yah gunjit kar paaee,
janm saphal samajhegee jag men apanaa meree madhushaalaa..134.
baD़e-baD़e naazon se mainne paalee hai saakeebaalaa,
kalit kalpanaa kaa hee isane sadaa uThaayaa hai pyaalaa,
maan-dulaaron se hee rakhanaa is meree sukumaaree ko,
vishv, tumhaare haathon men ab saunp rahaa hoo(n) madhushaalaa..135.
pirishaShT se
svayan naheen peetaa, auron ko, kintu pilaa detaa haalaa,
svayan naheen chhootaa, auron ko, par pakaD़aa detaa pyaalaa,
par upadesh kushal bahuteron se mainne yah seekhaa hai,
svayan naheen jaataa, auron ko pahunchaa detaa madhushaalaa.
main kaayasth kulodabhav mere purakhon ne itanaa Dh़aalaa,
mere tan ke lohoo men hai pachahattar pratishat haalaa,
pushtainee adhikaar mujhe hai madiraalay ke aa(n)gan par,
mere daadon paradaadon ke haath bikee thee madhushaalaa.
bahuton ke sir chaar dinon tak chaDh़kar utar gaee haalaa,
bahuton ke haathon men do din chhalak jhalak reetaa pyaalaa,
par baDh़tee taaseer suraa kee saath samay ke, isase hee
aur puraanee hokar meree aur nasheelee madhushaalaa.
pitR pakSh men putr uThaanaa ardhy n kar men, par pyaalaa
baiTh kaheen par jaanaa, gangaa saagar men bharakar haalaa
kisee jagah kee miTaTee bheege, tRpti mujhe mil jaaegee
tarpaN arpaN karanaa mujhako, paDh़ paDh़ kar ke madhushaalaa.
