Receive exquisite poems.
Prateekshaa
madhur prateekShaa hee jab itanee, priy tum aate tab kyaa hotaa?

maun raat is bhaanti ki jaise, koee gat veeNaa par baj kar,
abhee-abhee soee khoee-see, sapanon men taaron par sir dhar
aur dishaaon se pratidhvaniyaa(n), jaagrat sudhiyon-see aatee hain,
kaan tumhaare taan kaheen se yadi sun paate, tab kyaa hotaa?

tumane kab dee baat raat ke soone men tum aane vaale,
par aise hee vakt praaN man, mere ho uThate matavaale,
saa(n)sen ghoomaghoom phiraphir se, asamanjas ke kShaN ginatee hain,
milane kee ghaḌiyaa(n) tum nishchit, yadi kar jaate tab kyaa hotaa?

utsukataa kee akulaahaT men, mainne palak paa(n)vaḌe Daale,
ambar to mashahoor ki sab din, rahataa apane hosh samhaale,
taaron kee mahaphil ne apanee aa(n)kh bichhaa dee kis aashaa se,
mere maun kuTee ko aate tum dikh jaate tab kyaa hotaa?

baiTh kalpanaa karataa hoo(n), pagachaap tumhaaree mag se aatee,
ragarag men chetanataa ghulakar, aa(n)soo ke kaNasee jhar jaatee,
namak Dalee-saa gal apanaapan, saagar men ghulamila-saa jaataa,
apanee baa(n)hon men bharakar priy, kaNTh lagaate tab kyaa hotaa?
- Harivansh Rai Bachchan

***
Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500
₹ 250
Another Amount
Harivansh Rai Bachchan
's other poems on Kaavyaalaya

 Andhere Kaa Deepak
 Is Paar Us Paar
 Kahte Hain Taare Gaate Hain
 Jugnoo
 Need Kaa Nirmaan
 Prateekshaa
 Madhushaalaa
 Mujhe Pukaar Lo
 Yaatraa Aur Yaatree
 Raat Aadhee Kheench Kar Meree Hathelee
 Lo Din Bitaa, Lo Raat Gayee
This Month :
'Kahin Kuchh Bhee Uthlaa Na Rah Jaae'
Jyoti Chawla


in dinon main Doob-utaraa rahee hoo(n)
apane hee bheetar ke paanee men
aise jaise ek pyaalaa ho meree deh aur
chaay pattee ke saishe-saa meraa vyaktitv
Doob aur utaraa rahaa hai apane hee bheetar kaheen

n jaane kyoo(n) jitanee baar ubaratee hoo(n) khud se
phir-phir Doob jaanaa chaahatee hoo(n) khud men hee
ki sadiyaa(n) gavaah hain ..

Read and listen here...
This Month :
'Todtee Patthar'
Suryakant Tripathy 'Nirala'


vah toD़tee patthar;
dekhaa use mainne ilaahaabaad ke path par—
vah toD़tee patthar.

koee n chhaayaadaar
peD़ vah jisake tale baiThee huee sveekaar;
shyaam tan, bhar ba(n)dhaa yauvan,
nat nayan priy, karm-rat man,
..

Read and listen here...
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
contact us | about us
Donate

a  MANASKRITI  website