Receive exquisite poems.
Is Paar Us Paar
. is paar, priye madhu hai tum ho, us paar n jaane kyaa hogaa!

yah chaa(n)d udit hokar nabh men kuchh taap miTaataa jeevan kaa,
laharaa-laharaa ye shaakhaae(n) kuchh shok bhulaa deteen man kaa,
       kal murjhaane vaalee kaliyaa(n) ha(n)sakar kahatee hain magan raho,
       bulabul taru kee phunagee par se sandesh sunaatee yauvan kaa,
tum dekar madiraa ke pyaale meraa man bahalaa detee ho,
us paar mujhe bahalaane kaa upachaar n jaane kyaa hogaa!
       is paar, priye madhu hai tum ho, us paar n jaane kyaa hogaa!

jag men ras kee nadiyaa(n) bahatee, rasanaa do boonden paatee hai,
jeevan kee jhilamil-see jhaa(n)kee nayanon ke aage aatee hai,
       svarataalamayee veeNaa bajatee, milatee hai bas jhankaar mujhe,
       mere sumanon kee gandh kaheen yah vaayu uḌaa le jaatee hai!
aisaa sunataa, us paar, priye, ye saadhan bhee chhin jaae(n)ge,
tab maanav kee chetanataa kaa aadhaar n jaane kyaa hogaa!
       is paar, priye madhu hai tum ho, us paar n jaane kyaa hogaa!

pyaalaa hai par pee paae(n)ge, hai gyaat naheen itanaa hamako,
is paar niyati ne bhejaa hai, asamarth banaa kitanaa hamako,
       kahane vaale, par kahate hai, ham karmon men svaadheen sadaa,
       karane vaalon kee paravashataa hai gyaat kise, jitanee hamako?
kah to sakate hain, kahakar hee kuchh dil halakaa kar lete hain,
us paar abhaage maanav kaa adhikaar n jaane kyaa hogaa!
       is paar, priye madhu hai tum ho, us paar n jaane kyaa hogaa!

kuchh bhee n kiyaa thaa jab usakaa, usane path men kaa(n)Te boye,
ve bhaar die dhar kandhon par, jo ro-rokar hamane Dhoe,
       mahalon ke sapanon ke bheetar jarjar kha(n)Dahar kaa saty bharaa!
       ur men aisee halachal bhar dee, do raat n ham sukh se soe!
ab to ham apane jeevan bhar us kroor kaThin ko kos chuke,
us paar niyati kaa maanav se vyavahaar n jaane kyaa hogaa!
       is paar, priye madhu hai tum ho, us paar n jaane kyaa hogaa!

sansRti ke jeevan men, subhage! aisee bhee ghaḌiyaa(n) aaaingee,
jab dinakar kee tamahar kiraNen tam ke andar chhip jaae(n)gee,
       jab nij priyatam kaa shav rajanee tam kee chaadar se Dhak degee,
       tab ravishashipoShit yah pRthivee kitane din khair manaaegee!
jab is lanbe-chauḌe jag kaa astitv n rahane paaegaa,
tab teraa meraa nanhaa-saa sansaar n jaane kyaa hogaa!
       is paar, priye madhu hai tum ho, us paar n jaane kyaa hogaa!

aisaa chir patajhaḌ aaegaa, koyal n kuhuk phir paaegee,
bulabul n andhere men gaa-gaa jeevan kee jyoti jagaaegee,
       agaNit mRdu navapallav ke svar 'bhar-bhar' n sune jaae(n)ge,
       ali avalee kalidal par gunjan karane ke hetu n aaegee,
jab itanee rasamay dhvaniyon kaa avasaan, priy ho jaaegaa,
tab shuShk hamaare kanThon kaa udgaar n jaane kyaa hogaa!
       is paar, priye madhu hai tum ho, us paar n jaane kyaa hogaa!

sun kaal prabal kaa guru garjan nirjhariNee bhoolegee nartan,
nirjhar bhoolegaa nij 'Talamal', saritaa apanaa 'kalakal' gaayan,
       vah gaayakanaayak sindhu kaheen, chup ho chhip jaanaa chaahegaa!
       mu(n)h khol khaḌe rah jaae(n)ge gandharv, apsaraa, kinnaragaN!
sangeet sajeev huaa jinamen, jab maun vahee ho jaae(n)ge,
tab, praaN, tumhaaree tantree kaa, jaḌ taar n jaane kyaa hogaa!
       is paar, priye madhu hai tum ho, us paar n jaane kyaa hogaa!

utare in aakhon ke aage jo haar chamelee ne pahane,
vah chheen rahaa dekho maalee, sukumaar lataaon ke gahane,
       do din men kheenchee jaaegee ooShaa kee saaḌee sindooree
       paT indradhanuSh kaa satarangaa paaegaa kitane din rahane!
jab moortimatee sattaaon kee shobhaa-suShamaa luT jaaegee,
tab kavi ke kalpit svapnon kaa shrRngaar n jaane kyaa hogaa!
       is paar, priye madhu hai tum ho, us paar n jaane kyaa hogaa!

dRg dekh jahaa(n) tak paate hain, tam kaa saagar laharaataa hai,
phir bhee us paar khaḌaa koee ham sab ko kheench bulaataa hai!
       main aaj chalaa tum aaogee kal, parason sab sangee-saathee,
       duniyaa rotee-dhotee rahatee, jisako jaanaa hai, jaataa hai.
meraa to hotaa man Dagamag, taT par hee ke halakoron se!
jab main ekaakee pahu(n)choo(n)gaa, ma(n)jhadhaar n jaane kyaa hogaa!
       is paar, priye madhu hai tum ho, us paar n jaane kyaa hogaa!
- Harivansh Rai Bachchan

***
Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500
₹ 250
Another Amount
Harivansh Rai Bachchan
's other poems on Kaavyaalaya

 Andhere Kaa Deepak
 Is Paar Us Paar
 Kahte Hain Taare Gaate Hain
 Jugnoo
 Need Kaa Nirmaan
 Prateekshaa
 Madhushaalaa
 Mujhe Pukaar Lo
 Yaatraa Aur Yaatree
 Raat Aadhee Kheench Kar Meree Hathelee
 Lo Din Bitaa, Lo Raat Gayee
This Month :
'Jo Hawaa Mein Hai'
Umashankar Tiwari


jo havaa men hai, lahar men hai
kyon naheen vah baat
mujhamen hai?

shaam kandhon par lie apane
zindagee ke roo-b-roo chalanaa
roshanee kaa hamasafar honaa
umr kee kandeel kaa jalanaa
aag jo
jalate safar men...
..

Read and listen here...
This Month :
'Divya'
Goethe


Translated by ~ Priyadarshan

nek bane manuShy
udaar aur bhalaa;
kyonki yahee ek cheej़ hai
jo use alag karatee hai
un sabhee jeevit praaNiyon se
jinhen ham jaanate hain.

svaagat hai apnee...
..

Read and listen here...
होलोकॉस्ट में एक कविता
~ प्रियदर्शन

लेकिन इस कंकाल सी लड़की के भीतर एक कविता बची हुई थी-- मनुष्य के विवेक पर आस्था रखने वाली एक कविता। वह देख रही थी कि अमेरिकी सैनिक वहाँ पहुँच रहे हैं। इनमें सबसे आगे कर्ट क्लाइन था। उसने उससे पूछा कि वह जर्मन या अंग्रेजी कुछ बोल सकती है? गर्डा बताती है कि वह 'ज्यू' है। कर्ट क्लाइन बताता है कि वह भी 'ज्यू' है। लेकिन उसे सबसे ज़्यादा यह बात हैरानी में डालती है कि इसके बाद गर्डा जर्मन कवि गेटे (Goethe) की कविता 'डिवाइन' की एक पंक्ति बोलती है...

पूरा काव्य लेख पढ़ने यहाँ क्लिक करें
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
contact us | about us
Donate

a  MANASKRITI  website