Receive exquisite poems.
Andhere Kaa Deepak
hai a(n)dheree raat par deevaa jalaanaa kab manaa hai?

kalpanaa ke haath se kamaneey jo mandir banaa thaa ,
bhaavanaa ke haath se jisamen vitaanon ko tanaa thaa,
        svapn ne apane karon se thaa jise ruchi se sa(n)vaaraa,
        svarg ke duShpraapy rangon se, rason se jo sanaa thaa,
Dhah gayaa vah to juTaakar eenT, patthar kankaḌon ko
ek apanee shaanti kee kuTiyaa banaanaa kab manaa hai?
        hai a(n)dheree raat par deevaa jalaanaa kab manaa hai?

baadalon ke ashru se dhoyaa gayaa nabhaneel neelam
kaa banaayaa thaa gayaa madhupaatr manamohak, manoram,
        pratham ushaa kee kiraN kee laalimaasee laal madiraa
        thee usee men chamachamaatee nav ghanon men chanchalaa sam,
vah agar TooTaa milaakar haath kee dono hathelee,
ek nirmal srot se tRShNaa bujhaanaa kab manaa hai?
        hai a(n)dheree raat par deevaa jalaanaa kab manaa hai?

kyaa ghaḌee thee ek bhee chintaa naheen thee paas aaee,
kaalimaa to door, chhaayaa bhee palak par thee n chhaaee,
        aa(n)kh se mastee jhapakatee, baatase mastee Tapakatee,
        thee ha(n)see aisee jise sun baadalon ne sharm khaaee,
vah gaee to le gaee ullaas ke aadhaar maanaa,
par athirataa par samay kee musakuraanaa kab manaa hai?
        hai a(n)dheree raat par deevaa jalaanaa kab manaa hai?

haay, ve unmaad ke jhonke ki jisamen raag jaagaa,
vaibhavon se pher aa(n)khen gaan kaa varadaan maa(n)gaa,
        ek antar se dhvanit ho doosare men jo nirantar,
        bhar diyaa ambar-avani ko mattataa ke geet gaagaa,
ant unakaa ho gayaa to man bahalane ke liye hee,
le adhooree pankti koee gunagunaanaa kab manaa hai?
        hai a(n)dheree raat par deevaa jalaanaa kab manaa hai?

haay ve saathee ki chumbak lauhase jo paas aae,
paas kyaa aae, hRday ke beech hee goyaa samaae,
        din kaTe aise ki koee taar veeNaa ke milaakar
        ek meeThaa aur pyaaraa zindagee kaa geet gaae,
ve gae to sochakar yah lauTane vaale naheen ve,
khoj man kaa meet koee lau lagaanaa kab manaa hai?
        hai a(n)dheree raat par deevaa jalaanaa kab manaa hai?

kyaa havaae(n) theen ki ujaḌaa pyaar kaa vah aashiyaanaa,
kuchh n aayaa kaam teraa shor karanaa, gul machaanaa,
        naash kee un shaktiyon ke saath chalataa zor kisakaa,
        kintu ai nirmaaN ke pratinidhi, tujhe hogaa bataanaa,
jo base hain ve ujaḌate hain prakRti ke jaḌ niyam se,
par kisee ujaḌe hue ko phir basaanaa kab manaa hai?
        hai a(n)dheree raat par deevaa jalaanaa kab manaa hai?
- Harivansh Rai Bachchan

***
Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500
₹ 250
Another Amount
Harivansh Rai Bachchan
's other poems on Kaavyaalaya

 Andhere Kaa Deepak
 Is Paar Us Paar
 Kahte Hain Taare Gaate Hain
 Jugnoo
 Need Kaa Nirmaan
 Prateekshaa
 Madhushaalaa
 Mujhe Pukaar Lo
 Yaatraa Aur Yaatree
 Raat Aadhee Kheench Kar Meree Hathelee
 Lo Din Bitaa, Lo Raat Gayee
This Month :
'Ant'
Divya Omkari 'Garima'


jhar-jhar bahate netron se,
kaun saa saty bahaa hogaa?
vo saty banaa aakhir paanee,
jo kaheen naheen kahaa hogaa.

jhalakatee see bechainee ko,
kitanaa dhikkaar milaa hogaa?
baad men soche hai insaan,
pahale andhaa-baharaa hogaa.

talaash kare yaa aas kare,
kis par vishvaas zaraa hogaa?
kitanaa gaharaa hogaa vo dukh,
mRtyu se jo Dhakaa hogaa.

hokar nam phir band ho gaeen,
aa(n)khon ne kyaa sahaa hogaa?
ho jisakaa kShaN-kShaN mRtyu,
ye jeevan deergh lagaa hogaa.

jo maun huaa sah-sahakar maun,
us maun kaa bhed kyaa hogaa?
n gyaat kisee ko bhed vo ab,
vo bhed jo saath gayaa hogaa.

kuchh sheSh naheen isake pashchaat,
Read and listen here...
This Month :
'Jo Hawaa Mein Hai'
Umashankar Tiwari


jo havaa men hai, lahar men hai
kyon naheen vah baat
mujhamen hai?

shaam kandhon par lie apane
zindagee ke roo-b-roo chalanaa
roshanee kaa hamasafar honaa
umr kee kandeel kaa jalanaa
aag jo
jalate safar men...
..

Read and listen here...
This Month :
'Divya'
Goethe


Translated by ~ Priyadarshan

nek bane manuShy
udaar aur bhalaa;
kyonki yahee ek cheej़ hai
jo use alag karatee hai
un sabhee jeevit praaNiyon se
jinhen ham jaanate hain.

svaagat hai apnee...
..

Read and listen here...
होलोकॉस्ट में एक कविता
~ प्रियदर्शन

लेकिन इस कंकाल सी लड़की के भीतर एक कविता बची हुई थी-- मनुष्य के विवेक पर आस्था रखने वाली एक कविता। वह देख रही थी कि अमेरिकी सैनिक वहाँ पहुँच रहे हैं। इनमें सबसे आगे कर्ट क्लाइन था। उसने उससे पूछा कि वह जर्मन या अंग्रेजी कुछ बोल सकती है? गर्डा बताती है कि वह 'ज्यू' है। कर्ट क्लाइन बताता है कि वह भी 'ज्यू' है। लेकिन उसे सबसे ज़्यादा यह बात हैरानी में डालती है कि इसके बाद गर्डा जर्मन कवि गेटे (Goethe) की कविता 'डिवाइन' की एक पंक्ति बोलती है...

पूरा काव्य लेख पढ़ने यहाँ क्लिक करें
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
contact us | about us
Donate

a  MANASKRITI  website