Receive exquisite poems.
Andhere Kaa Deepak
hai a(n)dheree raat par deevaa jalaanaa kab manaa hai?

kalpanaa ke haath se kamaneey jo mandir banaa thaa ,
bhaavanaa ke haath se jisamen vitaanon ko tanaa thaa,
        svapn ne apane karon se thaa jise ruchi se sa(n)vaaraa,
        svarg ke duShpraapy rangon se, rason se jo sanaa thaa,
Dhah gayaa vah to juTaakar eenT, patthar kankaḌon ko
ek apanee shaanti kee kuTiyaa banaanaa kab manaa hai?
        hai a(n)dheree raat par deevaa jalaanaa kab manaa hai?

baadalon ke ashru se dhoyaa gayaa nabhaneel neelam
kaa banaayaa thaa gayaa madhupaatr manamohak, manoram,
        pratham ushaa kee kiraN kee laalimaasee laal madiraa
        thee usee men chamachamaatee nav ghanon men chanchalaa sam,
vah agar TooTaa milaakar haath kee dono hathelee,
ek nirmal srot se tRShNaa bujhaanaa kab manaa hai?
        hai a(n)dheree raat par deevaa jalaanaa kab manaa hai?

kyaa ghaḌee thee ek bhee chintaa naheen thee paas aaee,
kaalimaa to door, chhaayaa bhee palak par thee n chhaaee,
        aa(n)kh se mastee jhapakatee, baatase mastee Tapakatee,
        thee ha(n)see aisee jise sun baadalon ne sharm khaaee,
vah gaee to le gaee ullaas ke aadhaar maanaa,
par athirataa par samay kee musakuraanaa kab manaa hai?
        hai a(n)dheree raat par deevaa jalaanaa kab manaa hai?

haay, ve unmaad ke jhonke ki jisamen raag jaagaa,
vaibhavon se pher aa(n)khen gaan kaa varadaan maa(n)gaa,
        ek antar se dhvanit ho doosare men jo nirantar,
        bhar diyaa ambar-avani ko mattataa ke geet gaagaa,
ant unakaa ho gayaa to man bahalane ke liye hee,
le adhooree pankti koee gunagunaanaa kab manaa hai?
        hai a(n)dheree raat par deevaa jalaanaa kab manaa hai?

haay ve saathee ki chumbak lauhase jo paas aae,
paas kyaa aae, hRday ke beech hee goyaa samaae,
        din kaTe aise ki koee taar veeNaa ke milaakar
        ek meeThaa aur pyaaraa zindagee kaa geet gaae,
ve gae to sochakar yah lauTane vaale naheen ve,
khoj man kaa meet koee lau lagaanaa kab manaa hai?
        hai a(n)dheree raat par deevaa jalaanaa kab manaa hai?

kyaa havaae(n) theen ki ujaḌaa pyaar kaa vah aashiyaanaa,
kuchh n aayaa kaam teraa shor karanaa, gul machaanaa,
        naash kee un shaktiyon ke saath chalataa zor kisakaa,
        kintu ai nirmaaN ke pratinidhi, tujhe hogaa bataanaa,
jo base hain ve ujaḌate hain prakRti ke jaḌ niyam se,
par kisee ujaḌe hue ko phir basaanaa kab manaa hai?
        hai a(n)dheree raat par deevaa jalaanaa kab manaa hai?
- Harivansh Rai Bachchan
Topic:
Hope Faith (18)
Inspirational (19)

***
Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500
₹ 250
Another Amount
Harivansh Rai Bachchan
's other poems on Kaavyaalaya

 Andhere Kaa Deepak
 Is Paar Us Paar
 Kahte Hain Taare Gaate Hain
 Jugnoo
 Need Kaa Nirmaan
 Prateekshaa
 Madhushaalaa
 Mujhe Pukaar Lo
 Yaatraa Aur Yaatree
 Raat Aadhee Kheench Kar Meree Hathelee
 Lo Din Bitaa, Lo Raat Gayee
This Month :
'Nav Oorjaa Raag'
Bhawna Saxena


naa ab talavaaren, naa Dhaal kee baat hai,
yuddh smaarT hai, takaneek kee saugaat hai.
Dron gagan men, signal j़meen par,
saaibar kamaanD hai ab sabase oopar.

suno javaanon! ye DijiTal raN hai,
mastiShk aur masheen kaa yah sangam hai.
koD hathiyaar hai aur DeTaa ... ..

Read and listen here...
This Month :
'Darwaaze Mein Bachaa Man'
Gajendra Singh


bheegaa baarish men daravaajaa chaukhaT se kuchh jhool gayaa hai.
kabhee peḌ thaa, ye daravaajaa saty ye shaayad bhool gayaa hai.

naye-naye pad chinh naapataa khaḌaa huaa hai sahamaa-sahamaa.
kabhee banaa thaa peḌ suhaanaa dhoop-chhaa(n)v paa lamahaa-lamahaa.
chaukhaT men ab jaḌaa huaa hai ek jagah par khaḌaa huaa hai,
kabhee Thikaanaa thaa vihagon kaa aaj ...

..

Read and listen here...
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
contact us | about us
Donate

a  MANASKRITI  website