Receive exquisite poems.
Gunaah Kaa Geet
agar mainne kisee ke hoTh ke paaTal kabhee choome
agar mainne kisee ke nain ke baadal kabhee choome
      mahaj isase kisee kaa pyaar mujhako paap kaise ho?
      mahaj isase kisee kaa svarg mujh par shaap kaise ho?

   tumhaaraa man agar seenchoo(n)
   gulaabee tan agar seechoo(n) taral malayaj jhakoron se!
   tumhaaraa chitr kheenchoo(n) pyaas ke rangeen Doron se
kalee-saa tan, kiran-saa man, shithil satarangiyaa aa(n)chal
usee men khil paḌen yadi bhool se kuchh hoTh ke paaTal
kisee ke hoTh par jhuk jaaya(n) kachche nain ke baadal
      mahaj isase kisee kaa pyaar mujh par paap kaise ho?
      mahaj isase kisee kaa svarg mujh par shaap kaise ho?

kisee kee god men sir dhar
ghaTaa ghanaghor bikharaakar, agar vishvaas ho jaae
dhaḌakate vakSh par meraa agar astitv kho jaae?
   n ho yah vaasanaa to zindagee kee maap kaise ho?
   kisee ke roop kaa sammaan mujh par paap kaise ho?
   nason kaa reshamee toophaan mujh par shaap kaise ho?

   kisee kee saa(n)s main chun doo(n)
   kisee ke hoTh par bun doo(n) agar angoor kee parten
   praNay men nibh naheen paateen kabhee is taur kee sharten
yahaa(n) to har kadam par svarg kee pagaDaNDiyaa(n) ghoomeen
agar mainne kisee kee madabharee a(n)gaḌaaiyaa(n) choomeen
agar mainne kisee kee saa(n)s kee puravaaiyaa(n) choomeen
      mahaj isase kisee kaa pyaar mujh par paap kaise ho?
      mahaj isase kisee kaa svarg mujh par shaap kaise ho?
- Dharmveer Bharati
धर्मवीर भारती की काव्य संकलन "ठण्डा लोहा" से ...
Topic:
Man (2)

***
Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500
₹ 250
Another Amount
Dharmveer Bharati
's other poems on Kaavyaalaya

 Kanupriya (Ansh 1) - Aamra Baur Kaa Geet
 Kanupriya (Ansh 2) - Vipralabdhaa
 Kanupriya (Ansh 3) - Usee Aam Ke Neeche
 Kanupriya (Ansh 4) - Samudra Swapna
 Kanupriya (Ansh 5) - Samaapan
 Kyonki
 Gunaah Kaa Geet
 Chaandanee Jagaatee Hai
 Shaam: Do Manah Stithiyaan
This Month :
'Pedon Kaa Antarman'
Hemant Deolekar


kal maanasoon kee pahalee barasaat huee
aur aaj yah daravaaj़aa
kh़ushee se phool gayaa hai

khiD़kee daravaaj़e mahaj़ lakaD़ee naheen
visthaapit jangal hote hain

mujhe lagaa, main peD़on ke beech se aataa-jaataa hoon
Tahaniyon par ...
..

Read and listen here...
This Month :
'Chhaataa'
Prem Ranjan Animesh


jinake sir Dha(n)kane ke lie
chhaten hotee hain
vahee rakhate hain chhaate

har baar sochataa hoo(n)
ek chhat kaa jugaaḌ karu(n)gaa
aur loo(n)gaa ek chhaataa

is shahar ke logon ke paas
jo chhaataa hai
usamen

isalie
sochataa hoo(n)
main loo(n)gaa
to loo(n)gaa aasamaan
ki jisamen sab aa jaayen

aur baahar khaḌaa bheegataa rahe
bas meraa akelaapan

baraabar lagataa hai
chhaate
rishte naate hain
barasaat men kaam aate hain
aur akasar
chhooT jaate hain !

..

Read and listen here...
This Month :
'Ek Manahsthiti '
Shanti Mehrotra


kabhee-kabhee lagataa hai
jaise ghar kee pakkee chhat, deevaaren, chaukhaTen
meree garam saa(n)son se pighal kar
mom-see bah gaee hain.

keval ye khiḌakiyaa(n)-daravaaje jaise
kabhee ..

Read and listen here...
This Month :
'Khilone Kee Chaabee'
Nupur Ashok


itanee baar bharee gaee hai
duःkh, takaleeph aur tyaag kee chaabee
ki maa(n) ban chukee hai ek khilaunaa
ghoom rahee hai gol-gol
..

Read and listen here...
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
contact us | about us
Donate

a  MANASKRITI  website