ek:
shaam hai, main udaas hoo(n) shaayad
ajanabee log abhee kuchh aayen
dekhie anachhue hue sampuT
kaun motee sahejakar laayen
kaun jaane ki lauTatee belaa
kaun-se taar kahaa(n) chhoo jaayen!
baat kuchh aur chheḌie tab tak
ho davaa taaki bekalee kee bhee,
dvaar kuchh band, kuchh khulaa rakhie
taaki aahaT mile galee kee bhee -
dekhie aaj kaun aataa hai -
kaun-see baat nayee kah jaaye,
yaa ki baahar se lauT jaataa hai
deharee par nishaan rah jaaye,
dekhie ye lahar Duboye, yaa
sirf taTarekh chhoo ke bah jaaye,
kool par kuchh pravaal chhooT jaayen
yaa lahar sirf phenaavalee ho
adhakhile phool-see vinat anjulee
kaun jaane ki sirf khaalee ho?
do:
vक़t ab beet gayaa baadal bhee
kyaa udaas rang le aaye,
dekhie kuchh huee hai aahaT-see
kaun hai? tum? chalo bhale aaye!
ajanabee lauT chuke dvaare se
dard phir lauTakar chale aaye
kyaa ajab hai pukaarie jitanaa
ajanabee kaun bhalaa aataa hai
ek hai dard vahee apanaa hai
lauT har baar chalaa aataa hai
anakhile geet sab usee ke hain
anakahee baat bhee usee kee hai
anauge din sab usee ke hain
anahuee raat bhee usee kee hai
jeet pahale-pahal milee thee jo
aakhiree maat bhee usee kee hai
ek-saa svaad chhoḌ jaatee hai
zindagee tRpt bhee v pyaasee bhee
log aaye gaye baraabar hain
shaam gaharaa gayee, udaasee bhee!
