Receive exquisite poems.
Kanupriya (Ansh 5) - Samaapan

kyaa tum ne us velaa mujhe bulaayaa thaa kanu?
lo, main sab chhoḌ-chhaaḌ kar aa gayee!

          isee lie tab
          main tum men boo(n)d kee tarah vileen naheen huee thee,
          isee lie main ne asveekaar kar diyaa thaa
          tumhaare golok kaa
          kaalaavadhiheen raas,

          kyonki mujhe phir aanaa thaa!

tum ne mujhe pukaaraa thaa n
main aa gayee hoo(n) kanu!

          aur janmaantaron kee anant pagaDaNDee ke
          kaThinatam moḌ par khaḌee ho kar
          tumhaaree prateekShaa kar rahee hoo(n).
          ki is baar itihaas banaate samay
          tum akele n chhooT jaao!

suno mere pyaar!
pragaaḌh kelikShaNon men apanee antarang
sakhee ko tum ne baahon men goo(n)thaa
par use itihaas men goo(n)thane se hichak kyon gaye prabhoo?

          binaa mere koee bhee arth kaise nikal paataa
          tumhaare itihaas kaa
          shabd, shabd, shabd ....
          raadhaa ke binaa
          sab
          rakt ke pyaase
          arthaheen shabd!

suno mere pyaar!
tumhen meree jaroorat thee n, lo main sab chhoḌ kar aa gayee hoo(n)
taaki koee yah n kahe
ki tumhaaree antarang kelisakhee
keval tumhaare saa(n)vare tan ke nasheele sangeet kee
lay ban kar rah gayee .........


          main aa gayee hoo(n) priy!
          meree veNee men agnipuShp gu(n)thane vaalee
          tumhaaree u(n)galiyaa(n)
          ab itihaas men arth kyon naheen goo(n)thateen?

                tum ne mujhe pukaaraa thaa n!

                main pagaDaNDee ke kaThinatam moḌ par
                tumhaaree prateekShaa men
                aDig khaḌee hoo(n), kanu mere!
- Dharmveer Bharati
Recited by: Ruchi Varshneya
Kanupriya - Dharmaveer Bharati
Published by: Bharatiya Jnanpith
18, Institutional Area, Lodi Road,
New Delhi - 110 003
Topic:
Krishna (18)

***
Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500
₹ 250
Another Amount
Dharmveer Bharati
's other poems on Kaavyaalaya

 Kanupriya (Ansh 1) - Aamra Baur Kaa Geet
 Kanupriya (Ansh 2) - Vipralabdhaa
 Kanupriya (Ansh 3) - Usee Aam Ke Neeche
 Kanupriya (Ansh 4) - Samudra Swapna
 Kanupriya (Ansh 5) - Samaapan
 Kyonki
 Gunaah Kaa Geet
 Chaandanee Jagaatee Hai
 Shaam: Do Manah Stithiyaan
This Month :
'Hamaaree Sahyatra'
Jyotsana Mishra


kabhee-kabhee jeevan koee ghoShaNaa naheen karataa—
vah bas bahataa hai,
jaise koee puraanaa raag,
dheere-dheere aatmaa men utarataa huaa,
binaa shor, binaa aagrah.

hamaare saath ke tees varSh poorN hue hain.
kabhee lagataa hai hamane samay ko jiyaa,
kabhee lagataa hai samay ne hamen taraashaa.
yah saath keval varSh naheen the—
yah do aatmaaon kaa maun sanvaad thaa,
jo shabdon se pare,
par bhaavon se bharapoor rahaa.

jab hamane saath chalanaa shuroo kiyaa,
tum the svapnadraShTaa—
shabdon ke jaadoogar,
bhaviShy ke rangeen rekhaachitron men Doobe hue.
aur main…
main thee vah zameen
..

Read and listen here...
This Month :
'Tum To Pahle Aise Naa The'
Satya Mishra


tum to pahale aise n the
raat biraat aaoge
der saver aaoge...
ham neend men rahen
aa(n)kh naa khule
to rooTh jaaoge...

svapn men aaoge
divaasvapn dikhaaoge
ham kalam uThaae(n)ge
to chhip jaaoge...

bechainiyon kaa kabhee
..

Read more here...
This Month :
'Kuchh Prem Kavitaayein'
Pradeep Shukla


1.
prem kavitaa, kahaaniyaa(n) aur ph़ilmen
jahaa(n) tak le jaa sakatee hain
main gayaa hoo(n) usake paar
kaee baar.
ik ajeeb-see bechainee hotee hai vahaa(n)
jee karataa hai thaam loo(n) koee cheej
koee haath, koee sahaaraa.
main Tik naheen paataa vahaa(n) der tak.

suno,
abase
..

Read and listen here...
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
contact us | about us
Donate

a  MANASKRITI  website