Kaun Tum Mere Hriday Mein

       kaun tum mere hRday men?

kaun meree kasak men nit
       madhurataa bharataa alakShit?
kaun pyaase lochanon men
       ghumaḌ ghir jharataa aparichit?
       svarN svapnon kaa chiteraa
              neend ke soone nilay men!
                     kaun tum mere hRday men?

anusaraN nishvaas mere
       kar rahe kisakaa nirantar?
choomane padachinh kisake
       lauTate yah shvaas phir phir?
       kaun bandee kar mujhe ab
              ba(n)dh gayaa apanee vijay me?
                     kaun tum mere hRday men?

ek karuN abhaav chir -
       tRpti kaa sansaar sanchit,
ek laghu kShaN de rahaa
       nirvaaN ke varadaan shat-shat;
       paa liyaa mainne kise is
              vedanaa ke madhur kray men?
                     kaun tum mere hRday men?

goonjataa ur men n jaane
       door ke sangeet-saa kyaa!
aaj kho nij ko mujhe
       khoyaa milaa vipareet-saa kyaa!
       kyaa nahaa aaee virah-nishi
              milan-madhadin ke uday men?
                     kaun tum mere hRday men?

timir-paaraavaar men
       aalok-pratimaa hai akampit;
aaj jvaalaa se barasataa
       kyon madhur ghanasaar surabhit?
       sun rahee hoo(n) ek hee
              jhankaar jeevan men, pralay men?
                     kaun tum mere hRday men?

mook sukh-dukh kar rahe
       meraa nayaa shrRngaar-saa kyaa?
jhoom garvit svarg detaa -
       nat dharaa ko pyaar-saa kyaa?
       aaj pulakit sRShTi kyaa
              karane chalee abhisaar lay men?
                     kaun tum mere hRday men?