Tum Mujhme Priya! Phir Parichay Kyaa!
tum mujhamen priy! phir parichay kyaa
taarak men chhavi, praaNon men smRti,
palakon men neerav pad kee gati,
laghu ur men pulakon kee sansRti,
           bhar laaee hoo(n) teree chanchal
           aur karoo(n) jag men sanchay kyaa!

teraa mukh sahaas aruNoday,
parachhaaee rajanee viShaadamay,
vah jaagRti vah neend svapnamay,
           khelakhel thakathak sone de
           main samajhoo(n)gee sRShTi pralay kyaa!

teraa adharavichunbit pyaalaa
teree hee smitamishrit haalaa,
teraa hee maanas madhushaalaa,
           phir poochhoo(n) kyaa mere saakee!
           dete ho madhumay viShamay kyaa?

romarom men nandan pulakit,
saa(n)sasaa(n)s men jeevan shatashat,
svapn svapn men vishv aparichit,
           mujhamen nit banate miTate priy!
           svarg mujhe kyaa niShkriy lay kyaa?

haaroo(n) to khooo(n) apanaapan
paaoo(n) priyatam men nirvaasan,
jeet banoo(n) teraa hee bandhan
           bhar laaoo(n) seepee men saagar
           priy meree ab haar vijay kyaa?

chitrit too main hoo(n) rekhaakram,
madhur raag too main svar sangam,
too aseem main seemaa kaa bhram,
           kaayaa chhaayaa men rahasyamay.
           preyasi priyatam kaa abhinay kyaa
tum mujhamen priy! phir parichay kyaa
- Mahadevi Verma

***
Mahadevi Verma
's other poems on Kaavyaalaya

 Kaun Tum Mere Hriday Mein
 Jo Tum Aa Jaate Ek Baar
 Tum Mujhme Priya! Phir Parichay Kyaa!
 Panth Hone Do Aparichit
 Priya Chirantan Hai Sajani
 Mere Deepak
This Month
'Geet Koyee Kasamasaataa'
Anita Nihalani


neel nabh ke paar koee
mand svar men gunagunaataa,
rooh kee gaharaaiyon men
geet koee kasamasaataa!

nirjharon saa kab bahegaa
sang Khushaboo ke uḌegaa,
jangalon kaa maun neerav
baarishon kee dhun bharegaa!

..

Read and listen here...
This Month
'Suprabhaat'
Prabhakar Shukla


nayan kaa nayan se, naman ho rahaa hai
lo uShaa kaa aagaman ho rahaa hai
parat par parat, chaandanee kaT rahee hai
tabhee to nishaa kaa, gaman ho rahaa hai
kShitij par abhee bhee hain, alasaaye sapane
palak khol kar bhee, shayan ho rahaa hai
jharokhon se praachee kee pahalee kiraN kaa
lahar se pratham aachaman ho rahaa hai
hain nahalaa raheen, har kalee ko tuShaaren
lagan poorv kitanaa jatan ho rahaa hai
vahee shaakh par pakShiyon kaa hai kalarav
prabhaateesaa lekin, sahan ho rahaa hai
baḌhee jaa rahee jis tarah se aruNimaa
hai lagataa kaheen par havan ho rahaa hai
madhur mukt aabhaa, sugandhit pavan hai
naye din kaa kaisaa sRjan ho rahaa hai.
..

Read and listen here...
Next post on
Friday 26 July

To receive an email notification
Subscribe
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
submission | contact us | about us

a  MANASKRITI  website