Jo Tum Aa Jaate Ek Baar
jo tum aa jaate ek baar
kitanee karuNaa kitane sa(n)desh,
path men bichh jaate ban paraag,
gaataa praaNon kaa taar-taar
anuraag-bharaa unmaad-raag;
aa(n)soo lete ve pad pakhaar !
jo tum aa jaate ek baar !

ha(n)s uThate pal men aardr nayan
ghul jaataa oThon se viShaad,
chhaa jaataa jeevan men vasant
luT jaataa chir-sanchit viraag;
aa(n)khen deteen sarvasv vaar.
jo tum aa jaate ek baar !
- Mahadevi Verma
Recited by: Geetika Jaswal

***
Mahadevi Verma
's other poems on Kaavyaalaya

 Kaun Tum Mere Hriday Mein
 Jo Tum Aa Jaate Ek Baar
 Tum Mujhme Priya! Phir Parichay Kyaa!
 Panth Hone Do Aparichit
 Priya Chirantan Hai Sajani
 Mere Deepak
This Month
'Geet Koyee Kasamasaataa'
Anita Nihalani


neel nabh ke paar koee
mand svar men gunagunaataa,
rooh kee gaharaaiyon men
geet koee kasamasaataa!

nirjharon saa kab bahegaa
sang Khushaboo ke uḌegaa,
jangalon kaa maun neerav
baarishon kee dhun bharegaa!

..

Read and listen here...
This Month
'Suprabhaat'
Prabhakar Shukla


nayan kaa nayan se, naman ho rahaa hai
lo uShaa kaa aagaman ho rahaa hai
parat par parat, chaandanee kaT rahee hai
tabhee to nishaa kaa, gaman ho rahaa hai
kShitij par abhee bhee hain, alasaaye sapane
palak khol kar bhee, shayan ho rahaa hai
jharokhon se praachee kee pahalee kiraN kaa
lahar se pratham aachaman ho rahaa hai
hain nahalaa raheen, har kalee ko tuShaaren
lagan poorv kitanaa jatan ho rahaa hai
vahee shaakh par pakShiyon kaa hai kalarav
prabhaateesaa lekin, sahan ho rahaa hai
baḌhee jaa rahee jis tarah se aruNimaa
hai lagataa kaheen par havan ho rahaa hai
madhur mukt aabhaa, sugandhit pavan hai
naye din kaa kaisaa sRjan ho rahaa hai.
..

Read and listen here...
Next post on
Friday 26 July

To receive an email notification
Subscribe
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
submission | contact us | about us

a  MANASKRITI  website