Priya Chirantan Hai Sajani
       priy chirantan hai sajani,
              kShaN kShaN naveen suhaaginee main!

shvaas men mujhako chhipaa kar vah aseem vishaal chir ghan,
shoony men jab chhaa gayaa usakee sajeelee saadh-saa ban,
       chhip kahaa(n) usamen sakee
              bujh-bujh jalee chal daaminee main!

chhaa(n)h ko usakee sajani nav aavaraN apanaa banaa kar,
dhooli men nij ashru bone main pahar soone bitaa kar,
       praat men ha(n)s chhip gaee
              le chhalakate dRg yaaminee main!

milan-mandir men uThaa doo(n) jo sumukh se sajal guNThan,
main miToo(n) priy men miTaa jyon tapt sikataa men salil-kaN,
       sajani madhur nijatv de
              kaise miloo(n) abhimaaninee main!

deep-see yug-yug jaloo(n) par vah subhag itanaa bataa de,
phoo(n)k se usakee bujhoo(n) tab kShaar hee meraa pataa de!
       vah rahe aaraadhy chinmay
              mRNmayee anuraaginee main!

sajal seemit putaliyaa(n) par chitr amiT aseem kaa vah,
chaah vah anant basatee praaN kintu saseem saa yah,
       raj-kaNon men khelatee kis
              viraj vidhu kee chaa(n)danee main?
- Mahadevi Verma

***
Mahadevi Verma
's other poems on Kaavyaalaya

 Kaun Tum Mere Hriday Mein
 Jo Tum Aa Jaate Ek Baar
 Tum Mujhme Priya! Phir Parichay Kyaa!
 Panth Hone Do Aparichit
 Priya Chirantan Hai Sajani
 Mere Deepak
This Month :
'Samay Banaa Hai Yaadon'
Suman Shukla


aaj huaa man ko vishvaas
samay banaa hai yaadon se
yaaden banatee bhool bhool kar
tum kyaa is ko sveekaaroge?
..

Read and listen here...
This Month :
'Kaisaa Parivartan'
Abha Saxena


prakRti maun ho dekh rahee hai
aaj samay kaa parivartan
mRtyu khelatee hai aangan men
karatee hai bheeShaN nartan.

jhanjhaavaato(n) men manuShy kaa
saahas sanbal TooT gayaa
bhool gayaa sab khel anokhe
bhool gayaa poojaa archan.

..

Read and listen here...
This Month :

'Samarpit Satya Samarpit Swapna - Amrit Khare Sameekshaa'
Amrit Khare


Book review by distinguished poet Amrit Khare on the book Samarpit Satya Samarpit Swapna ..

Read and listen here...
This Month :

'Samarpit Satya Samarpit Swapna'
Vinod Tewary


Vinod Tewary's book of poems
Kaavyaalaya's first book publication
with artwork by Vani Murarka
..

Read and listen here...
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
submission | contact us | about us

a  MANASKRITI  website