Receive exquisite poems.
Mere Deepak
     madhur madhur mere deepak jal!
yug yug pratidin pratikShaN pratipal;
   priyatam kaa path aalokit kar!

     saurabh phailaa vipul dhoop ban;
     mRdul mom-saa ghul re mRdu tan;
           de prakaash kaa sindhu aparimit,
           tere jeevan kaa aNu gal-gal!
pulak-pulak mere deepak jal!

     saare sheetal komal nootan,
     maa(n)g rahe tujhako jvaalaa-kaN;
           vishvashalabh sir dhun kahataa "main
           haay n jal paayaa tujhamen mil"!
sihar-sihar mere deepak jal!

     jalate nabh men dekh asankhyak;
     snehaheen nit kitane deepak;
           jalamay saagar kaa ur jalataa;
           vidyut le ghirataa hai baadal!
vihans-vihans mere deepak jal!

     drum ke ang harit komalatam,
     jvaalaa ko karate hRdayangam;
           vasudhaa ke jaḌ antar men bhee,
           bandee naheen hai taapon kee halachal!
bikhar-bikhar mere deepak jal!

     mere nishvaason se drutatar,
     subhag n too bujhane kaa bhay kar;
           main anchal kee oT kiye hoo(n),
           apanee mRdu palakon se chanchal!
sahaj-sahaj mere deepak jal!

     seemaa hee laghutaa kaa bandhan,
     hai anaadi too mat ghaḌiyaa(n) gin;
           main dRg ke akShay koshon se -
           tujhamen bharatee hoo(n) aa(n)soo-jal!
sajal-sajal mere deepak jal!

     tam aseem teraa prakaash chir;
     khelenge nav khel nirantar;
           tam ke aNu-aNu men vidyut saa -
           amiT chitr ankit karataa chal!
saral-saral mere deepak jal!

     too jal jal hotaa jitanaa kShay;
     vah sameep aataa chhalanaamay;
           madhur milan men miT jaanaa too -
           usakee ujjaval smit men ghul-khil!
madir-madir mere deepak jal!

     priyatam kaa path aalokit kar!
- Mahadevi Verma
Topic:
Life (37)
Inspirational (19)

***
Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500
₹ 250
Another Amount
Mahadevi Verma
's other poems on Kaavyaalaya

 Kaun Tum Mere Hriday Mein
 Jo Tum Aa Jaate Ek Baar
 Tum Mujhme Priya! Phir Parichay Kyaa!
 Panth Hone Do Aparichit
 Priya Chirantan Hai Sajani
 Mere Deepak
This Month :
'Kuchh Prem Kavitaayein'
Pradeep Shukla


1.
prem kavitaa, kahaaniyaa(n) aur ph़ilmen
jahaa(n) tak le jaa sakatee hain
main gayaa hoo(n) usake paar
kaee baar.
ik ajeeb-see bechainee hotee hai vahaa(n)
jee karataa hai thaam loo(n) koee cheej
koee haath, koee sahaaraa.
main Tik naheen paataa vahaa(n) der tak.

suno,
abase
..

Read and listen here...
This Month :
'Swatantrataa Kaa Deepak'
Gopalsingh Nepali


ghor andhakaar ho, chal rahee bayaar ho,
aaj dvaar dvaar par yah diyaa bujhe naheen.
yah nisheeth kaa diyaa laa rahaa vihaan hai.

shakti kaa diyaa huaa, shakti ko diyaa huaa,
bhakti se diyaa huaa, yah svatantrataadiyaa,
ruk rahee n naav ho, zor kaa bahaav ho,
      aaj gangadhaar par yah diyaa bujhe naheen!
      yah svadesh kaa diyaa praaN ke samaan hai!
..

Read more here...
This Month :
'Yuddh Kee Vibheeshikaa'
Gajendra Singh


yuddh agar anivaary hai socho samaraangaN kaa kyaa hogaa?
aise hee chalataa rahaa samar to naee phasal kaa kyaa hogaa?

har or dhue(n) ke baadal hain, har or aag ye phailee hai.
bachapan kee aa(n)khen bhayaakraant, khaNDahar ghar, dharatee mailee hai.
chhaayaa nabh men kaalaa patajhaḌ, kho gayaa kahaa(n) neelaa manjar?
jharanon kaa gaanaa thaa kal tak, par aaj maut kee railee hai.

kilakaaree bharate ..

Read and listen here...
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
contact us | about us
Donate

a  MANASKRITI  website