kal kahaa(n) kisane kahaa
dekhaa sunaa hai
phir bhee main kal ke lie
jeetaa rahaa hoo(n).
aaj ko bhoole shankaa soch
bhay se kaanpataa
kal ke sapane sanjotaa rahaa hoo(n).
phir bhee n paayaa kal ko
aur
kal ke svapn ko
jo kuchh thaa mere haath
aaj
vahee hai aadhaar meraa
kal ke sapane sanjonaa
hai niraadhaar meraa
yadi seekh paaoo(n)
main jeenaa aaj
aaj ke lie
to kal kaa
svapn saakaar hogaa
jeevan maraN kaa bhed
nissaar hogaa
jo kal thaa vahee hai aaj
jo aaj hai vahee kal hogaa
main kal kal nadee ke naad
saa bahataa rahaa hoo(n).
