Har Makaan Boodhaa Hotaa

saadho, sach hai
jaise maanuSh
dheere-dheere har makaan bhee booḌhaa hotaa

deh gharon kee thak jaatee hai
bas jaataa bheetar a(n)dhiyaaraa
usake hiraday neh-sindhu jo
vah bhee ho jaataa hai khaaraa

ghar men
jo devaa basataa hai
ghar ko math kar zahar bilotaa

thakee-buḌhaaee ho jaatee hain
chaukhaT-deevaaren bhee ghar kee
saa(n)sen jo madhumaas hueen theen
baaT johatee hain patajhar kee

kisee a(n)dhere
kone men chhip kar
ghar kaa purakhaa hai rotaa

kalpavRkSh jo thaa aa(n)gan men
us par amarabel chaḌh jaatee
beete hue samay kaa lekhaa
likhatee bujhe diye kee baatee

kaalapuruSh tab
Dhalee dhoop ke beej
khanDahar-ghar men botaa