Kaash Hum Pagdandiyaan Hote
yon n hote
kaash !
ham pagaDanDiyaa(n) hote

idhar jangal - udhar jangal
beech men ham saa(n)s lete
nadee jab hotee akelee
use bhee ham saath dete

kabhee usakee
deh chhoote
kabhee apane paa(n)v dhote

koee parabatiyaa
idhar se jab guzaratee
ghugharuon kee jhanak
bheetar tak utaratee

ham
usee jhankaar ko
aadim guphaaon men sa(n)jote

aur-bhee pagaDanDiyon se
umag kar ham gale milate
titaliyon ke sang uḌate
konpalon ke sang khilate

dekhate ham
kahaa(n) jaatee hai gilaharee
kahaa(n) basate raat tote
- Kumar Ravindra

***
Kumar Ravindra
's other poems on Kaavyaalaya

 Abhee Hone Do Samay Ko
 Kaash Hum Pagdandiyaan Hote
 Tair Rahaa Itihaas Nadee Mein
 Bakson Mein Yaadein
 mitra-sahejo
 Sun Sulakshanaa
This Month
'Aaraam Se Bhaai Zindagee'
Bhawaniprasad Mishra


aaraam se bhaaee jindagee
jaraa aaraam se

tejee tumhaare pyaar kee bardaasht naheen hotee ab
itanaa kasakar kiyaa gayaa aaleengan
jaraa zyaadaa hai jarjar is shareer ko

..

Read and listen here...
This Month
'Chikane Lambe Kesh'
Bhawaniprasad Mishra


chikane lambe kesh
kaalee chamakeelee aa(n)khen
khilate hue phool ke jaisaa rang shareer kaa
phoolon hee jaisee sugandh shareer kee
samayon ke antaraal cheeratee hooee
adheerataa ichchhaa kee
..

Read and listen here...
This Month
'jabaḌe jeebh aur daa(n)t'
Bhawaniprasad Mishra


jabaḌe jeebh aur daa(n)t dil chhaatee aur aa(n)t
aur haath paa(n)v aur a(n)guliyaa(n) aur naak
aur aa(n)kh aur aa(n)kh kee putaliyaa(n)
tumhaaraa sab-kuchh jaa(n)chakar dekh liyaa gayaa hai
aur tum ja(n)ch naheen rahe ho
logon ko lagataa hai
jeevan jitanaa
nachaanaa chaahataa hai tumhen
tum utane nach naheen rahe ho

..

Read and listen here...
This Month
'Kuchh Naheen Hilaa Us din'
Bhawaniprasad Mishra


kuchh naheen hilaa us din
n pal n prahar n din n raat

sab nikShchal khaḌe rahe
taakate hooe aspataal ke parade
aur daravaaje aur khiḌakeeyaa(n)
aur aatee-jaatee laḌakiyaa(n)
jinhe main sisTar naheen kahanaa chaahataa thaa
..

Read and listen here...
Next post on
Friday 7 June

To receive an email notification
Subscribe
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
submission | contact us | about us

a  MANASKRITI  website