prabhu kee kirapaa -
sun sulakShaNaa
is antim belaa men tum ho sang hamaare
barf-huee is deh dhare ke taap sang hain hamane bhoge
pure hamaare saare sapane jo the hamane, sajanee, joge
hiraday aksar
geet huaa thaa
din komal gaandhaar rahe the sang tumhaare
aadim chhuvan parv kee yaaden hamako rah-rah Ter rahee hain
yauvan kee meeThee phuhaar ko thakee jhurriyaa(n) her rahee hain
kaamadev ke
mantr ho gaye
bol sabhee ve jo the hamanen sang uchaare
patajhar hueen hamaaree saa(n)sen, bheetar phir bhee ritu phaagun kee
raas ho rahaa hai yah din bhee - goo(n)j aa rahee vansheedhun kee
nadeeghaaT par
kaheen baj rahee
hai shahanaaee - mahaakaal kaa parv guhaare
