Kanupriya (Ansh 2) - Vipralabdhaa

bujhee huee raakh, TooTe hue geet, Doobe hue chaa(n)d,
          reete hue paatr, beete hue kShaN-saa -
                      - meraa yah jism

          kal tak jo jaadoo thaa, sooraj thaa, veg thaa
          tumhaare aashleSh men

              aaj vah jooḌe se gire hue bele-saa
              TooTaa hai, mlaan hai
                      dugunaa sunasaan hai
                      beete hue utsav-saa, uThe hue mele-saa -
meraa yah jism -
TooTe kha(n)Daharon ke ujaaḌ antःpur men
chhooTaa huaa ek saabit maNijaTit darpaN-saa -
          aadhee raat dansh bharaa baahuheen
          pyaasaa sarpeelaa kasaav ek
          jise jakaḌ letaa hai
          apanee gunjalak men

ab sirph mai hoo(n), yah tan hai, aur yaad hai

khaalee darpaN men dhu(n)dhalaa-saa ek, pratibimb
          muḌ-muḌ laharaataa huaa
          nij ko doharaataa huaa!
          ...................
          ...................

kaun thaa vah
jis ne tumhaaree baa(n)hon ke aavart men
garimaa se tan kar samay ko lalakaaraa thaa!

kaun thaa vah
jis kee alakon men jagat kee samast gati
ba(n)dh kar paraajit thee!

kaun thaa vah
jis ke charam saakShaatkaar kaa ek gaharaa kShaN
saare itihaas se baḌaa thaa, sashakt thaa!

kaun thaa kanu, vah,
tumhaaree baa(n)hon men
jo sooraj thaa, jaadoo thaa, divy thaa, mantr thaa
          ab sirph main hoo(n), yah tan hai, aur yaad hai.

mantr-paḌhe baaN-se chhooT gaye tum to kanu,
sheSh rahee main keval,
kaa(n)patee pratyanchaa-see
ab bhee jo beet gayaa,
usee men basee huee
ab bhee un baahon ke chhalaave men
kasee huee
jin rookhee alakon men
main ne samay kee gati baa(n)dhee thee -
haay unheen kaale naagapaashon se
din-pratidin, kShaN-pratikShaN baar-baar
Da(n)see huee

ab sirph main hoo(n), yah tan hai -
          - aur sanshay hai


- bujhee huee raakh men chhipee chingaaree-saa
reete hue paatr kee aakhiree boo(n)d-saa
paa kar kho dene kee vyathaa-bharee goo(n)j-saa ......
- Dharmveer Bharati
Recited by: Archana Gupta
Kanupriya - Dharmaveer Bharati
Published by: Bharatiya Jnanpith
18, Institutional Area, Lodi Road,
New Delhi - 110 003

***
Dharmveer Bharati
's other poems on Kaavyaalaya

 Kanupriya (Ansh 1) - Aamra Baur Kaa Geet
 Kanupriya (Ansh 2) - Vipralabdhaa
 Kanupriya (Ansh 3) - Usee Aam Ke Neeche
 Kanupriya (Ansh 4) - Samudra Swapna
 Kanupriya (Ansh 5) - Samaapan
 Kyonki
 Gunaah Kaa Geet
 Chaandanee Jagaatee Hai
 Shaam: Do Manah Stithiyaan
This Month
'Chitthi Si Shaam'
Surendra Kale


ek aur chiTThee see shaam
Doob gayee sooraj ke naam.

jaaḌe kee dhoop aur
kuhare kee bhaaShaa

kone men Ta(n)gee huee
gaharee abhilaaShaa ..
Read more here...
This Month
'Shaam: Do Manah Stithiyaan'
Falguni Roy


gaharaatee huee shaam hai
aur uchaTe hue man par aboojh-see udaasee.

kachchee see ek saD़k hai,
dhaan kheton se hokar gujaratee huee
door tak chalee jaatee hai —
painaa-saa ek moD़ hai
aur bhaTake huai do vihag.
..
Read and listen here...
This Month
'Shaam: Do Manah Stithiyaan'
Dharmveer Bharati


shaam hai, main udaas hoo(n) shaayad
ajanabee log abhee kuchh aayen
dekhie anachhue hue sampuT
kaun motee sahejakar laayen
kaun jaane ki lauTatee belaa
kaun-se taar kahaa(n) chhoo jaayen!

baat kuchh aur chheḌie tab tak
ho davaa taaki bekalee kee bhee
..
Read more here...
Next post on
Friday 12th October

To receive an email notification
Subscribe
संग्रह से कोई भी कविता | काव्य विभाग: शिलाधार युगवाणी नव-कुसुम काव्य-सेतु | प्रतिध्वनि | काव्य लेख
आपकी कविता | सम्पर्क करें | हमारा परिचय

a  MANASKRITI  website