Receive exquisite poems.

Chaand aur Kavi
raat yon kahane lagaa mujhase gagan kaa chaa(n)d,
aadamee bhee kyaa anokhaa jeev hai!
ulajhanen apanee banaakar aap hee pha(n)sataa,
aur phir bechain ho jagataa, n sotaa hai.

jaanataa hai too ki main kitanaa puraanaa hoo(n)?
main chukaa hoo(n) dekh manu ko janamate-marate
aur laakhon baar tujh-se paagalon ko bhee
chaa(n)danee men baiTh svapnon par sahee karate.

aadamee kaa svapn? hai vah bulabulaa jal kaa
aaj uThataa aur kal phir phooT jaataa hai
kintu, phir bhee dhany Thaharaa aadamee hee to?
bulabulon se khelataa, kavitaa banaataa hai.

main n bolaa kintu meree raaginee bolee,
dekh phir se chaa(n)d! mujhako jaanataa hai too?
svapn mere bulabule hain? hai yahee paanee?
aag ko bhee kyaa naheen pahachaanataa hai too?

main n vah jo svapn par keval sahee karate,
aag men usako galaa lohaa banaataa hoo(n),
aur us par neenv rakhataa hoo(n) naye ghar kee,
is tarah deevaar phaulaadee uThaataa hoo(n).

manu naheen, manu-putr hai yah saamane, jisakee
kalpanaa kee jeebh men bhee dhaar hotee hai,
vaaN hee hote vichaaron ke naheen keval,
svapn ke bhee haath men talavaar hotee hai.

svarg ke samraaT ko jaakar khabar kar de-
roj hee aakaash chaḌhate jaa rahe hain ve,
rokiye, jaise bane in svapnavaalon ko,
svarg kee hee or baḌhate aa rahe hain ve.
- Ramdhari Singh 'Dinkar'
Recited by: Vinod Tewary
Topic:
Life (37)
Moon (7)

***
Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500
₹ 250
Another Amount
Ramdhari Singh 'Dinkar'
's other poems on Kaavyaalaya

 Aag Ki Bheek
 Kunji
 Chaand aur Kavi
 Balika Se Vadhu
 Len Den
 Soorya
This Month :
'Hamaaree Sahyatra'
Jyotsana Mishra


kabhee-kabhee jeevan koee ghoShaNaa naheen karataa—
vah bas bahataa hai,
jaise koee puraanaa raag,
dheere-dheere aatmaa men utarataa huaa,
binaa shor, binaa aagrah.

hamaare saath ke tees varSh poorN hue hain.
kabhee lagataa hai hamane samay ko jiyaa,
kabhee lagataa hai samay ne hamen taraashaa.
yah saath keval varSh naheen the—
yah do aatmaaon kaa maun sanvaad thaa,
jo shabdon se pare,
par bhaavon se bharapoor rahaa.

jab hamane saath chalanaa shuroo kiyaa,
tum the svapnadraShTaa—
shabdon ke jaadoogar,
bhaviShy ke rangeen rekhaachitron men Doobe hue.
aur main…
main thee vah zameen
..

Read and listen here...
This Month :
'Tum To Pahle Aise Naa The'
Satya Mishra


tum to pahale aise n the
raat biraat aaoge
der saver aaoge...
ham neend men rahen
aa(n)kh naa khule
to rooTh jaaoge...

svapn men aaoge
divaasvapn dikhaaoge
ham kalam uThaae(n)ge
to chhip jaaoge...

bechainiyon kaa kabhee
..

Read more here...
This Month :
'Kuchh Prem Kavitaayein'
Pradeep Shukla


1.
prem kavitaa, kahaaniyaa(n) aur ph़ilmen
jahaa(n) tak le jaa sakatee hain
main gayaa hoo(n) usake paar
kaee baar.
ik ajeeb-see bechainee hotee hai vahaa(n)
jee karataa hai thaam loo(n) koee cheej
koee haath, koee sahaaraa.
main Tik naheen paataa vahaa(n) der tak.

suno,
abase
..

Read and listen here...
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
contact us | about us
Donate

a  MANASKRITI  website