Aag Ki Bheek
dhu(n)dhalee huee dishaae(n), chhaane lagaa kuhaasaa,
kuchalee huee shikhaa se aane lagaa dhuaa(n)saa.
koee mujhe bataa de, kyaa aaj ho rahaa hai,
munh ko chhipaa timir men kyon tej so rahaa hai?
daataa pukaar meree, sandeepti ko jilaa de,
bujhatee huee shikhaa ko sanjeevanee pilaa de.
pyaare svadesh ke hit a(n)gaar maa(n)gataa hoo(n).
chaḌhatee javaaniyon kaa shrRngaar maangataa hoo(n).

bechain hain havaae(n), sab or bekalee hai,
koee naheen bataataa, kishtee kidhar chalee hai?
ma(n)jhadaar hai, bha(n)var hai yaa paas hai kinaaraa?
yah naash aa rahaa hai yaa saubhaagy kaa sitaaraa?
aakaash par anal se likh de adRShT meraa,
bhagavaan, is taree ko bharamaa n de a(n)dheraa.
tamavedhinee kiraN kaa sandhaan maa(n)gataa hoo(n).
dhruv kee kaThin ghaḌee men, pahachaan maa(n)gataa hoo(n).

aage pahaaḌ ko paa dhaaraa rukee huee hai,
balapunj kesaree kee greevaa jhukee huee hai,
agnisphuling raj kaa, bujh Der ho rahaa hai,
hai ro rahee javaanee, a(n)dher ho rahaa hai!
nirvaak hai himaalay, gangaa Daree huee hai,
nistabdhataa nishaa kee din men bharee huee hai.
panchaasyanaad bheeShaN, vikaraal maa(n)gataa hoo(n).
jaḌataavinaash ko phir bhoochaal maa(n)gataa hoo(n).

man kee bandhee umangen asahaay jal rahee hai,
aramaan-aarazoo kee laashen nikal rahee hain.
bheegee khushee palon men raaten guzaarate hain,
sotee vasundharaa jab tujhako pukaarate hain,
inake liye kaheen se nirbheek tej laa de,
pighale hue anal kaa inako amRt pilaa de.
unmaad, bekalee kaa utthaan maa(n)gataa hoo(n).
visphoT maa(n)gataa hoo(n), toophaan maa(n)gataa hoo(n).

aa(n)soo bhare dRgon men chinagaariyaa(n) sajaa de,
mere shamashaan men aa shrangee jaraa bajaa de.
phir ek teer seenon ke aarapaar kar de,
himasheet praaN men phir angaar svachchh bhar de.
aamarSh ko jagaane vaalee shikhaa nayee de,
anubhootiyaa(n) hRday men daataa, analamayee de.
viSh kaa sadaa lahoo men sanchaar maa(n)gataa hoo(n).
bechain zindagee kaa main pyaar maa(n)gataa hoo(n).

Thaharee huee taree ko Thokar lagaa chalaa de,
jo raah ho hamaaree usapar diyaa jalaa de.
gati men prabhanjanon kaa aaveg phir sabal de,
is jaa(n)ch kee ghaḌee men niShThaa kaḌee, achal de.
ham de chuke lahu hain, too devataa vibhaa de,
apane analavishikh se aakaash jagamagaa de.
pyaare svadesh ke hit varadaan maa(n)gataa hoo(n).
teree dayaa vipad men bhagavaan maa(n)gataa hoo(n).
- Ramdhari Singh 'Dinkar'

***
Ramdhari Singh 'Dinkar'
's other poems on Kaavyaalaya

 Aag Ki Bheek
 Kunji
 Chaand aur Kavi
 Balika Se Vadhu
 Len Den
 Soorya
This Month :
'Chhipaa Lenaa'
Ram Krishna "Kaushal"


jab veg pavan kaa baḌh jaae
anchal men deep chhipaa lenaa.

kuchh kahate kahate ruk jaanaa
kuchh aankhon aankhon kah denaa
kuchh sun lenaa chupake chupake
kuchh chupake chupake sah lenaa

rahane dekar man kee man men
tum geet praNay ke gaa lenaa

jab veg man kaa baḌh jaae
anchal men deep chhipaa lenaa.

nabh men neerav taare honge
man men hongee baaten manakee
kuchh sapane honge rang bhare
kuchh yaaden beete jeevan kee

jab chaand ghaTaa men muskaae
tum ur kee peer sulaa lenaa

jab veg pavan kaa baḌh jaae
anchal men deep chhipaa lenaa.

kuchh sanyam se kuchh nishchay se
nij yauvan man chhalate jaanaa

Read and listen here...
This Month :
'Soorya'
Ramdhari Singh 'Dinkar'


soory, tumhen dekhate-dekhate
main vRddh ho gayaa.

log kahate hain,
mainne tumhaaree kiraNen pee hain,
tumhaaree aag ko
paas baiThakar taapaa hai.

aur afavaah yah bhee hai
..

Read and listen here...
This Month :

'Kaavyaalaya Statistics - July 2020 to March 2021'


जब विश्व भर में मानवजाति एक नए अदृश्य ख़तरे से लड़ रही थी, तब काव्यालय के जीवन में क्या हो रहा था? प्रस्तुत है काव्यालय का चौथा वार्षिक रिपोर्ट -- ..

Read and listen here...
आज नदी बिल्कुल उदास थी -- केदारनाथ अग्रवाल
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
submission | contact us | about us

a  MANASKRITI  website