satapuḌaa ke ghane jangal.
neend me Doobe hue se
oo(n)ghate anamane jangal.
jhaaD oo(n)che aur neeche,
chup khaḌe hain aa(n)kh meeche,
ghaas chup hai, kaas chup hai
mook shaal, palaash chup hai.
ban sake to dha(n)so inamen,
dha(n)s n paatee havaa jinamen,
satapuḌaa ke ghane jangal
oo(n)ghate anamane jangal.
saḌe patte, gale patte,
hare patte, jale patte,
vany path ko Dha(n)k rahe-se
pank-dal me pale patte.
chalo in par chal sako to,
dalo inako dal sako to,
ye ghinone, ghane jangal
neend me Doobe hue se
oo(n)ghate anamane jangal.
aTapaTee-ulajhee lataaain,
Daaliyon ko kheench khaaain,
pair ko pakaḌen achaanak,
praaN ko kas len kapaaain.
saanp see kaalee lataaain
balaa kee paalee lataaain
lataaon ke bane jangal
neend me Doobe hue se
oo(n)ghate anamane jangal.
makaḌiyon ke jaal mu(n)h par,
aur sar ke baal mu(n)h par
machchharon ke dansh vaale,
daag kaale-laal mu(n)h par,
vaat- jhanjhaa vahan karate,
chalo itanaa sahan karate,
kaShT se ye sane jangal,
neend me Doobe hue se
oo(n)ghate anamane jangal|
ajagaron se bhare jangal.
agam, gati se pare jangal
saat-saat pahaaḌ vaale,
baḌe chhoTe jhaaḌ vaale,
sher vaale baagh vaale,
garaj aur dahaaḌ vaale,
kamp se kanakane jangal,
neend me Doobe hue se
oo(n)ghate anamane jangal.
in vanon ke khoob bheetar,
chaar murge, chaar teetar
paal kar nishchint baiThe,
vijanavan ke beech baiThe,
jhonpaDee par foons Daale
gonD tagaḌe aur kaale.
jab ki holee paas aatee,
sarasaraatee ghaas gaatee,
aur mahue se lapakatee,
matt karatee baas aatee,
goonj uThate Dhol inake,
geet inake, bol inake
satapuḌaa ke ghane jangal
neend me Doobe hue se
u(n)ghate anamane jangal.
jaagate a(n)gaḌaaiyon men,
khoh-khaDDon khaaiyon men,
ghaas paagal, kaas paagal,
shaal aur palaash paagal,
lataa paagal, vaat paagal,
Daal paagal, paat paagal
matt murge aur teetar,
in vanon ke khoob bheetar.
kShitij tak failaa huaa saa,
mRtyu tak mailaa huaa saa,
kShubdh, kaalee lahar vaalaa
mathit, utthit jahar vaalaa,
meru vaalaa, sheSh vaalaa
shambhu aur suresh vaalaa
ek saagar jaanate ho,
use kaisaa maanate ho?
Theek vaise ghane jangal,
neend me Doobe hue se
oo(n)ghate anamane jangal|
dha(n)so inamen Dar naheen hai,
maut kaa yah ghar naheen hai,
utar kar bahate anekon,
kal-kathaa kahate anekon,
nadee, nirjhar aur naale,
in vanon ne god paale.
laakh panchhee sau hiran-dal,
chaa(n)d ke kitane kiran dal,
jhoomate ban-fool, faliyaa(n),
khil raheen agyaat kaliyaa(n),
harit doorvaa, rakt kisalay,
poot, paavan, poorN rasamay
satapuḌaa ke ghane jangal,
lataaon ke bane jangal.
