priy tum mere sang ek kShaN baa(n)T lo
vo kShaN aadhaa meraa hogaa
aur aadhaa tumhaaree gaTharee men
naTakhaT ban jo khelegaa mujh sang
tumhaare sparsh kaa gandh liye
priy tum aisaa ek svapn haar lo
bataa jaaye baat tumhaare man kee jo
mere paas aakar chupake se
jab tum sote hoge bhole ban
sapanaa khelataa hogaa mere nayanon men
priy tum vo rang aaj laa do
jise toDaa thaa us din tumane
aur mujhe dikhaaye the chhal se
baadalon ke jhuramuT ke peechhe
chh: rang jhalakate indradhanuSh ke
priy tum vo boond rakh lo samhaal kar
mere nayanon ke bhram men jis ne
basaayaa thaa Deraa tumhaaree aankhon men
us khaare boond men DhoonDh lenaa
kuchh chanchal sundar kShaN smRtiyon ke
priy tum...
