aaj kuchh maa(n)gatee hoo(n) main
priy kyaa de sakoge tum?
maun kaa maun men pratyuttar
anachhuye chhuan kaa ahasaas
der tak chuppee ko baa(n)dh kar
khelo apane aasapaas
kyaa aisee seemaa men khud ko
priy baandh sakoge tum
aaj kuchh maa(n)gatee hoo(n) priy...
tumhaare ik chhoTe se dukh se
kabhee jo meraa man bhar aaye
Dhulak paḌe aa(n)khon se motee
seemaa toḌ kar bah jaaye
to zaraa der u(n)galee par apane
de denaa rukane ko jagah tum
use thoḌee der kaa aashray
priy kyaa de sakoge tum?
aaj kuchh maangatee hoo(n) priy...
kabhee jab der tak tumhaaree
aankhon men main n rah paaoo(n)
bojhil se sapanon ke bheeḌ
men dheere se gum ho jaaoo(n)
aur kisee chhoTe se svapn
ke peechhe jaa kar chhup jaaoo(n)
aise men bin aahaT ke samay
ko kyaa laa(n)gh sakoge tum
aaj kuchh maa(n)gatee hoo(n) priy...
