Receive exquisite poems.
Vijay
main chir shraddhaa lekar aaee
vah saadh banee priy parichay men,
main bhakti hRday men bhar laaee,
vah preeti banee ur pariNay men.

      jigyaasaa se thaa aakul man
      vah miTee, huee kab tanmay main,
      vishvaas maa(n)gatee thee pratikShaN
      aadhaar paa gaee nishchay main !

           praaNon kee tRShNaa huee leen
           svapnon ke gopan sanchay men
           sanshay bhay moh viShaad heen
           lajjaa karuNaa men nirbhay main !

                 lajjaa jaane kab banee maan,
                 adhikaar milaa kab anunay men
                 poojan aaraadhan bane gaan
                 kaise, kab? karatee vismay main !

ur karuNaa ke hit thaa kaatar
sammaan paa gaee akShay main,
paapon abhishaapon kee thee ghar
varadaan banee mangalamay main !

           baadhaa-virodh anukool bane
           antarchetan aruNoday men,
           path bhool viha(n)s mRdu phool bane
           main vijayee priy, teree jay men.
- Sumitranandan Pant
Topic:
Love (61)
Prayer Devotion (31)

***
Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500
₹ 250
Another Amount
Sumitranandan Pant
's other poems on Kaavyaalaya

 Amar Sparsh
 Pratham Rashmi
 Vijay
This Month :
'Kuchh Prem Kavitaayein'
Pradeep Shukla


1.
prem kavitaa, kahaaniyaa(n) aur ph़ilmen
jahaa(n) tak le jaa sakatee hain
main gayaa hoo(n) usake paar
kaee baar.
ik ajeeb-see bechainee hotee hai vahaa(n)
jee karataa hai thaam loo(n) koee cheej
koee haath, koee sahaaraa.
main Tik naheen paataa vahaa(n) der tak.

suno,
abase
..

Read and listen here...
This Month :
'Swatantrataa Kaa Deepak'
Gopalsingh Nepali


ghor andhakaar ho, chal rahee bayaar ho,
aaj dvaar dvaar par yah diyaa bujhe naheen.
yah nisheeth kaa diyaa laa rahaa vihaan hai.

shakti kaa diyaa huaa, shakti ko diyaa huaa,
bhakti se diyaa huaa, yah svatantrataadiyaa,
ruk rahee n naav ho, zor kaa bahaav ho,
      aaj gangadhaar par yah diyaa bujhe naheen!
      yah svadesh kaa diyaa praaN ke samaan hai!
..

Read more here...
This Month :
'Yuddh Kee Vibheeshikaa'
Gajendra Singh


yuddh agar anivaary hai socho samaraangaN kaa kyaa hogaa?
aise hee chalataa rahaa samar to naee phasal kaa kyaa hogaa?

har or dhue(n) ke baadal hain, har or aag ye phailee hai.
bachapan kee aa(n)khen bhayaakraant, khaNDahar ghar, dharatee mailee hai.
chhaayaa nabh men kaalaa patajhaḌ, kho gayaa kahaa(n) neelaa manjar?
jharanon kaa gaanaa thaa kal tak, par aaj maut kee railee hai.

kilakaaree bharate ..

Read and listen here...
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
contact us | about us
Donate

a  MANASKRITI  website