'yugapath' se
khil uThaa hRday,
paa sparsh tumhaaraa amRt abhay!
khul gae saadhanaa ke bandhan,
sangeet banaa, ur kaa rodan,
ab preeti dravit praaNon kaa paN,
seemaae(n) amiT hueen sab lay.
kyon rahe n jeevan men sukh dukh
kyon janm mRtyu se chitt vimukh?
tum raho dRgon ke jo sammukh
priy ho mujhako bhram bhay sanshay!
tan men aae(n) shaishav yauvan
man men hon virah milan ke vraN,
yug sthitiyon se prerit jeevan
ur rahe preeti men chir tanmay!
jo nity anity jagat kaa kram
vah rahe, n kuchh badale, ho kam,
ho pragati hraas kaa bhee vibhram,
jag se parichay, tumase pariNay!
tum sundar se ban ati sundar
aao antar men antaratar,
tum vijayee jo, priy ho mujh par
varadaan, paraajay ho nishchay!
