Rishtey
aksar rishton ko rote hue dekhaa hai,
apanon kee hee baa(n)ho men marate hue dekhaa hai
TooTate, bikharate, sisakate, kasakate
rishton kaa itihaas,
dil pe likhaa hai behisaab!
pyaar kee aa(n)ch men pak kar pakke hote jo,
ve kab kaun see aag men jhulasate chale jaate hain,
jhulasate chale jaate hain aur raakh ho jaate hain!
kyaa ve niyati se niyat ghaD़iyaa(n) likhaa kar laate hain?
kaun see kamee kahaa(n) rah jaatee hai
ki ve astitvaheen ho jaate hain,
yaa ek arase kee poorN jindagee jee kar,
ve apane antim mukaam par pahu(n)ch jaate hain!
mainne dekhe hain kuchh rishte dhan-daulat pe Tike hote hain,
kuchh chaalabaajon se luTe hote hain-gaharaa dhokhaa khaae hote hain
kuchh aa(n)suon se khaare aur nam hue hote hain,
kuchh rishte abhaavon men pale hote hain-
par bhaavon se bhare hote hai! baD़e hee khare hote hain !
kuchh rishte, rishton kee kabr par bane hote hain,
jo kabhee panapate naheen, bahut samay tak jeete naheen
durbhaagy aur dukhon ke toophaan se bachate naheen!
svaarth par banen rishte bulabule kee tarah uThate hain
kuchh der bane rahate hain aur gaayab ho jaate hain;
kuchh rishte dooriyon men ojhal ho jaate hain,
jaane vaale ke saath door chale jaate hain !
kuchh najadeekiyon kee bhenT chaDh़ jaate hain,
kuchh shak se sunn ho jaate hain !
kuchh ativishvaas kee bali chaDh़ jaate hain!
phir bhee rishte banate hain, bigaD़te hain,
jeete hain, marate hain, laD़khaD़aate hain, langaD़aate hain
tere mere usake dvaaraa ghaseeTe jaate hain,
kabhee rasmon kee baisaakhee pe chalaae jaate hain!

par kuchh rishte aise bhee hain
jo janm se lekar bachapan javaanee - buDh़aape se gujarate hue,
baD़ee garimaa se jeete hue mahaan mahimaay ho jaate hain !
aise rishte sadiyon men najar aate hain !
jab kabhee sachchaa rishtaa najar aayaa hai
kRShN kee baa(n)suree ne geet gunagunaayaa hai!
aasamaan men eed kaa chaa(n)d muskaraayaa hai!
yaa sooraj raat men hee nikal aayaa hai!
eed kaa chaa(n)d roj naheen dikhataa,
indradhanuSh bhee kabhee-kabhee khilataa hai!
isalie shaayad - pyaaraa kharaa rishtaa
sadiyon men dikhataa hai, mushkil se milataa hai par,
dikhataa hai, milataa hai, yahee kyaa kam hai .. !!!
- Deepti Gupta
Dr. Deepti Gupta
Email: [email protected]
Deepti Gupta
Email: [email protected]

***
Deepti Gupta
's other poems on Kaavyaalaya

 Nishchal Bhaav
 Mrityu: Do Pratichhavi - 1
 Mrityu: Do Pratichhavi - 2
 Rishtey
This Month

'Kaavyaalaya Statistics - June 2018 to June 2019'


..

Read and listen here...
Next post on
Friday 23 August

To receive an email notification
Subscribe
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
submission | contact us | about us

a  MANASKRITI  website