mukti kaa dvaar
ab main samajh gaee he!
maut, tum kaheen bhee,
kabhee bhee aa sakatee ho,
tumhaaraa aanaa nishchit hai, aTal hai,
jeevan men tum aise samaaee ho,
jaise aag men tapan, kaa(n)Te men chubhan !
soch-soch har pal tumhaare baare men,
main nikaT ho gaee itanee,
sakhee hotee ghaniShTh jitanee,
tum banakar jeevan dRShTi,
lagee karane vichaar- sRShTi
bhaavon kee aviral vRShTi !
main jeevan men 'tumako',
tum men lagee dekhane 'jeevan'
is parichay se huaa
abhinav 'prem manthan'
prem Dhalaa "shraddhaa" men
"shraddhaa" se dekhaa bharakar roop tumhaaraa -
"siddhaa" ! tumhaare lie meraa ye "pyaar"
banaa jeevan "mukti kaa dvaar" !
-
Deepti Gupta
