sahelee
'jeevan' milaa hai jab se,
tumhaare saath jee rahee hoo(n) tab se,
tum meree aur main tumhaaree
sahelee kaee baras se,
tum mujhe 'jeevan' kee or
dhakelatee rahee ho kab se,
"abhee tumhaaraa samay naheen aayaa"
mere kaan men kahatee rahee ho ha(n)s ke,
jab - jab main poochhatee tumase,
asamay Tapak paD़ne vaalee
tum itanee samay kee paaband kab se,
tab kholatee bhed kahatee mujhase,
naa, naa, naa, naa asamay naheen,
aatee hoo(n) samay pe shuroo se,
'jeevan' ke khaate men ankit
chalatee hoo(n), tithi - divas pe
'niyat ghaD़ee' pe pahu(n)ch nikaT main
god men bhar letee hoo(n) jhaT se!
'jeevan' milaa hai jab se,
tumhaare saath jee rahee hoo(n) tab se !
-
Deepti Gupta
