aahat see sabhyataa ke dvaar pe
kab tak nihaare aa(n)gan
bandhan toḌ jaanaa chaahatee hai
yugon kaa bojh liye bahatee rahee
thakane lagee hai shaayad
kuchh vishraam paanaa chaahatee hai
athaah jal-raashi kee jo svaaminee
kShitij paar hotee huee
antarikSh samaanaa chaahatee hai
oh paayee hai madhurataa kitanee
n aa(n)soo bhee dho sake
ye namakeen honaa chaahatee hai
bandhan men chhaTapaTaatee hai bahut
pattharon ko taraashatee
ab vistaar paanaa chaahatee hai
baanTatee rahee hai jag ko jeevan
bheegee-bheegee see nadee
samandar ho jaanaa chaahatee hai
