Lupt-praaye

bas kuchh hee barason baad
yaad kee jaaegee
auraton kee vo jamaat
jo subah se shaam
kar detee theen
binaa kuchh kare...
jo naukaree naheen karatee theen
lekin mu(n)h a(n)dhere
aa(n)gan buhaaratee theen
ghar ko sanvaaratee theen.
jinake ghar men rakhaa mandir
mahakane lagataa thaa
har subah taaj़e phoolon se
deepak kee lau sang
sphurit hotaa thaa aasheervaad
aur har bhog ke baad
ba(n)Tataa thaa prasaad.
bachchon ke skool se lauTane par
senkatee thee garm roTiyaa(n)
aur shaam ke naashte ko
rakhatee thee taiyaar
desee ghee ke laDDoo-maThariyaa(n).
jaaD़on kee dhoop men ve
salaaiyon par bunatee theen pyaar.
jinake bane meeThe namakeen
pooran-polee aur rangolee
sajaate the tyohaar
jinake aa(n)gan aur chhajje
pukaarate the soory ko
ki sukhaane hote the
unamen phaile paapaD़-achaar.
vahaa(n) guD-De aur cheetoj़ ke
Dibbe-paikeT naheen khulate the
manuhaaron men dikhataa thaa pyaar.
kataraa kataraa risakar
jo seenchatee thee parivaar
kintu tarasatee thee har baar
paane ko uchit vyavahaar.

inakee putriyon ke man men
aseem sneh ke sang
ghar kar gayaa kShobh,
aarthik svatantrataa men
dekhane lageen ve mukti kaa dvaar.
samay ke saath
aage baDh़kar sanbhaalane lagee
arth vyavasthaa kee bhee kamaan
puruSh ke kandhe se kandhaa milaa
chalane lageen sang
kuchh saajhe samajhaute kie
annapoorNaa se sanpoorNaa ban
subah ke alaarm sang
shuroo huee ghanaghanaahaT
chalatee subah se raat talak
ghar-baahar sanbhaalatee
dauD़tee phiratee
har morche par…
kaheen pooraa to kaheen
aadhaa din kamaatee
saare bil bharatee
baink ke kaam nipaTaatee
bachchon kaa homavark karaatee
Teechar se milane skool jaatee
supar-vumain banane ko betaab
dauD़tee, to bas dauD़tee jaatee
ghar parivaar kee khvaahishon ko
svayan hom hotee jaatee
jitanee pooree karatee
utanee hee aur khaḌee paatee
haa(n)! utanee hee khvaahishen aur paatee.
katare kaa kataraa
bhee rakhaa naheen khud ko
ulaahanon se
phir bhee bach n paatee.

ulaahanon kee ye daraaren
bhed gayeen man ko
huaa phir ek aur avataar
agalee peeDh़ee kee stree
pahachaanane lagee
apanee shakti
jal, thal nabh par
kar die hastaakShar
kintu khone lagee
paranparaagat streeyochit vyavahaar
svayan ko saabit karatee
svayan se hee laḌatee
khaḌee hai aaj shamasheer uThaae
nakaaratee sab paranparaaen.
hotee hai aahat
apane hee shar se
apane jokhim par
laa(n)ghatee hai kaee seemaae(n)
kyonki
prashnon kaa usake
uttar naheen hai
kisee ke paas
koee kos detaa hai
to koee karataa hai parihaas.

lekin abhee bhee
is luptapraayah jaati men
baakee hai kuchh jaan
vo chhoḌ naheen paaee phitarat
neh, mamataa aur sanvedanaa kee
bheeg jaatee hai bheetar tak
duniyaa ke gam se.
vo laD़tee hai,
apane adhikaar ke lie
tarasatee hai nehabhare
vyavahaar ke lie
vo sammaan kee adhikaariNee
usake saamane baunaa hai
tumhaaraa ochhaa sansaar
uthalaa vyavahaar.
neh kaa vyaapaar naheen
maa(n)gatee hai vah
nishchhal nehabharaa sansaar
bas neh bharaa sansaar.