Receive exquisite poems.
Nav Oorjaa Raag
naa ab talavaaren, naa Dhaal kee baat hai,
yuddh smaarT hai, takaneek kee saugaat hai.
Dron gagan men, signal j़meen par,
saaibar kamaanD hai ab sabase oopar.

suno javaanon! ye DijiTal raN hai,
mastiShk aur masheen kaa yah sangam hai.
koD hathiyaar hai aur DeTaa bhee Dhaal,
AI se chalataa hai ab yuddh kaa jaal.

GPS pe Tikee hai tumhaaree har chaal,
saiTelaaiT se dekh dushman ke haal.
reDaar kee naj़ren, TaikTikal kamaanD,
har saajish ko toD़e tumhaaraa braanD.

sirph़ bOrDar naheen, ab neTavark kaa hai morchaa,
ek klik se kolaahal kee vishv men charchaa .
signal jaim yaa misaail gaaiDing moD,
is yug ke agniputr, n bhoole koee koD.

to javaan, thaam le bandook, chip se bhee ho lais,
shakti le navavigyaan kee, dRShTi rakh visheSh.
ye bhaarat hai, puraatan bhee, aadhunik bhee,
raNaneeti men sher, takaneek men bheeShm bhee.

bhaarat hai ye—jahaa(n) mile paranparaa aur pragati
raNaneeti sinh kee , takaneek se hai khilatee.
dushman samajhe ise bas kahaanee puraanee,
par yahaa(n) har javaan men takaneek kee ravaanee.

netaa ke vijan ne jagaayaa nav oorjaa raag
shaury-gyaan-takaneek se jagaayaa desh kaa bhaagy.
neeti kee jyoti se jaage utsaah aur aas
usake netRtv men sunahare kal kaa vishvaas.
- Bhawna Saxena
Topic:
Patriotic (12)
War Conflict (7)
Math Science (9)

काव्यालय को प्राप्त: 25 May 2025. काव्यालय पर प्रकाशित: 18 Jul 2025

***
Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500
₹ 250
Another Amount
Bhawna Saxena
's other poems on Kaavyaalaya

 Zindagi Ki Notebook
 Nav Oorjaa Raag
 Lupt-praaye
This Month :
'Kuchh Prem Kavitaayein'
Pradeep Shukla


1.
prem kavitaa, kahaaniyaa(n) aur ph़ilmen
jahaa(n) tak le jaa sakatee hain
main gayaa hoo(n) usake paar
kaee baar.
ik ajeeb-see bechainee hotee hai vahaa(n)
jee karataa hai thaam loo(n) koee cheej
koee haath, koee sahaaraa.
main Tik naheen paataa vahaa(n) der tak.

suno,
abase
..

Read and listen here...
This Month :
'Swatantrataa Kaa Deepak'
Gopalsingh Nepali


ghor andhakaar ho, chal rahee bayaar ho,
aaj dvaar dvaar par yah diyaa bujhe naheen.
yah nisheeth kaa diyaa laa rahaa vihaan hai.

shakti kaa diyaa huaa, shakti ko diyaa huaa,
bhakti se diyaa huaa, yah svatantrataadiyaa,
ruk rahee n naav ho, zor kaa bahaav ho,
      aaj gangadhaar par yah diyaa bujhe naheen!
      yah svadesh kaa diyaa praaN ke samaan hai!
..

Read more here...
This Month :
'Yuddh Kee Vibheeshikaa'
Gajendra Singh


yuddh agar anivaary hai socho samaraangaN kaa kyaa hogaa?
aise hee chalataa rahaa samar to naee phasal kaa kyaa hogaa?

har or dhue(n) ke baadal hain, har or aag ye phailee hai.
bachapan kee aa(n)khen bhayaakraant, khaNDahar ghar, dharatee mailee hai.
chhaayaa nabh men kaalaa patajhaḌ, kho gayaa kahaa(n) neelaa manjar?
jharanon kaa gaanaa thaa kal tak, par aaj maut kee railee hai.

kilakaaree bharate ..

Read and listen here...
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
contact us | about us
Donate

a  MANASKRITI  website