Gulloo
'gulloo-mulloo', 'paaroo bachchaa'
naam ek se ek hai achchhaa
'gauree', 'gulloo', 'chhoTaa maa(n)oo(n)'
ginate jaao naam sunaaoo(n)
'gullaa raanee' baḌee sayaanee
daadee kahateen sabakee naanee
buaa ko 'chandul' jamataa hai
daadee ko 'bahinee' sahataa hai

bhaiyaa se jo hotee maar
chanDee kaa leteen avataar
'billoo-bhayankar' jab khauraay
'gulloo-bajarangee' gadaa uThaay
vidyaalay men 'dhRti' bulaaen
seedhee saadee tab ban jaae(n)
paapaa din bhar 'maa(n)oo(n)-maa(n)oo(n)'
kab tak inake naam ginaaoo(n)

naam tabhee kam ho paaenge
paapaa baḌe jab ho jaaenge
bahut gin chuke inake naam
dekhen karateen kyaa hain kaam

billoo sang krikeT khelen jab
jeet rahe bas inakaa makasad
niyam gulloo ke chalate hain
billoo bas 'haa(n)-haa(n)' karate hain
baiTing par jab hain ye aateen
pich jhaTapaT chhoTee ho jaatee
chhoTaa maa(n)oo(n) chhoTee dauḌ
tark pe inake kariye gaur
aauT jo inako kar jaatee hai
bOl naheen maanee jaatee hai

maa(n) kaa dupaTTaa lie lapeT
Teechar kaa hain dharatee bheSh
guḌiyon kee hain klaas lagaateen
blaik-borD deevaar banaateen
prashn kaa uttar jab n paaen
bahut kaḌak Teechar ho jaae(n)
bachchon kee tab shaamat aaye
ऑl ऑf yoo ko Daa(n)T lagaaen

paapaa se billoo paDhataa hai
kabhee kabhee dham-dham piTataa hai
turant sajag ye ho jaatee hain
DhoonDh ke jhaT DaNDaa laatee hain
dheere se DanDaa sarakaa
mauke pe jaḌateen chaukaa
billoo bhee man men kahataa
jaraa baad men tum milanaa

chiḌiyaa bhee maa(n)oo(n) kee dost
usako deteen paanee roj
vah jab paanee peene aaye
jaane kyaa donon batalaayen
chiḌiyaa karatee cheen cheen cheen
shabd naheen, ye samajhen jee
"baḌee der se aayee aaj
lagee naheen kyaa tumako pyaas
phurr - phurr uḌ jaatee ho
jee bhar n batalaatee ho
tanik der to baiTho naa
chug lo, main detee daanaa
dekho yah gullak rakhaa
karanaa tum isakee rakShaa
paas jaraa bhee billoo dekh
cheen cheen saaeeran karanaa tez
haath lagaae gar isako
chonch haath pe dharanaa do "

mammaa se jo Daa(n)T paḌee
a(n)suvan kee lag gaee jhaḌee
oo(n)hoo(n)-oo(n)hoo(n) au' sisakee
dhun rahatee halkee-halkee
paapaa ko bas aataa dekh
vOlyoom karateen apanaa tej
paapaa jhaTapaT god uThaayen
mammaa ko jhuTThoo haḌakaayen
tis par bhee aḌ jaateen ye
sOree khud mammaa bolen

jinako bhee ghar aanaa ho
sun len, gulloo-billoo do
chijjee ek naheen laanaa
mahaabhaarat hogee varanaa
aur deejiyegaa aasheeSh
ek pitaa ko itanee bheekh

kavitaa jab yah aap paḌhen
'vaah-vaah' man agar kahe
kahiye donon khoob baḌhen
apane sooraj chaa(n)d gaḌhen .

- Pradeep Shukla
Email: [email protected]

काव्यालय को प्राप्त: 17 May 2021. काव्यालय पर प्रकाशित: 16 Jul 2021

***
Pradeep Shukla
's other poems on Kaavyaalaya

 Gulloo
 Tond
 27 February : Shaheed kaa Byaah
This Month :
'Gend Aur Sooraj'
Nupur Ashok


bachchon kee ek duniyaa hai,
jisamen ek gend hai
aur ek sooraj bhee hai.
sooraj ke Dhalate hee
ruk jaataa hai unakaa khel
aur tab bhee
jab gend chalee jaatee hai
ankal kee chhat par.

ankal kee duniyaa men hai
Teevee aur akhabaar
..

Read and listen here...
This Month :

'Kauaa'
Jaya Prasad


ghar ke baahar kauaa baiThaa kaa(n)v-kaa(n)v chillaataa hai
kaun hai aane vaalaa isakee khabaren kauaa laataa hai

paapaa kee mausee ke ghar se guḌ kee bhelee aanee ho
us din subah savere uThataa jaise buḌhiyaa naanee ho
cheekh cheekh kar ghar vaalon ko kauaa raag sunaataa hai
us din sabase pahale kyon, mujhako naheen jagaataa hai ? ..

Read more here...
This Month :
'Lockdown Aur Main'
Tushi Bhattacharya


gazab vo din the, maidaanon par hote the jab saare khel;
ab to ghar men baiThe hain bas, sar men khoob lagaakar tel.
pustaken saaree paḌh Daalee hain, rang Daale hain saare chitr,
dhamaachaukaḌee karen bhee kaise, ab jo ghar n aate mitr.
..

Read and listen here...
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
submission | contact us | about us

a  MANASKRITI  website