Kuchh Prem Kavitaayein

1.
prem kavitaa, kahaaniyaa(n) aur ph़ilmen
jahaa(n) tak le jaa sakatee hain
main gayaa hoo(n) usake paar
kaee baar.
ik ajeeb-see bechainee hotee hai vahaa(n)
jee karataa hai thaam loo(n) koee cheej
koee haath, koee sahaaraa.
main Tik naheen paataa vahaa(n) der tak.

suno,
abase tum bhee chalaa karo
mere saath vahaa(n).

2.
mainne bhee likhee hai prem kavitaa
kaee baar.
har baar,
shabd maun ho gae;
syaahee kaagaj़ tak to gaee
par samaa gaee kaagaj़ men pooraa kaa pooraa,
naheen dikhaa use khud kaa dikhanaa
prem men .
aur, sab ne kah diyaa
naheen dikhee meree prem kavitaa..

suno,
tum to jaanatee ho n
naheen dikhataa hai khud kaa dikhanaa
prem men.

3.
phir to Theek hee hai ki
main ne naheen likhee koee prem kavitaa.
'main' likh sakataa hai kyaa prem ko?
naheen n!
phir kaun likhe prem?

Topic: