Tond

kahate hain sab log tond ek rog baḌaa hai
tond ghaTaae(n) sabhee chalan yah khoob chalaa hai.
par maano yadi baat tond kyon karanee kam hai
sukh shaanti sammaan daayinee tond men dam hai.

auron kee kyaa kahoon, main apanee baat bataataa
bachapan se hee rahaa tond se sukhamay naataa.
jisase bhee kee baat, adab aa(n)khon men paayaa
naam n len guru, yaar, main panDit 'jee' kahalaayaa.

aaj bhee ऑphis tak men tond se maan hai milataa
kitanaa bhee ho bOs sheerSh, shuklaa 'jee' kahataa.
maan kaa yah kaarak, dhaarak men gurutaa laatee
naam men 'jee' juḌ jaataa, najar jyon tond pe jaatee.

mat socho ki ghaTee naheen, angoor so khaTTe
keval nar men naheen, chalan yah devon tak men.
tond lie bas ek devataa gaNapati apane
pratham hain pooje jaate, dev paḌe hain kitane.

taav moonchh kaa samajho, tond jab tan letee hai
aḌ jaatee hai beech, naheen jhukane detee hai.
raam naam guN dhaam shaanti sab paa jaataa hoo(n)
bhojan ke uparaant, tond jab sahalaataa hoo(n).

sammukh apane jab bhee paḌatee sundar naaree
haa(n), kuchh baadhak tab ho jaatee tond hamaaree.
najar tond par jaise hee usakee paḌ jaatee
'bhaiyaa' 'ankal' tak seemaa apanee rah jaatee.

tab apanee yah tond hRday kee peeḌaa haratee
bahan beTee par naari, aah bhar dil se kahatee.
is prakaar aacharaN shuddh rahataa apanaa hai
patnee bhee khush, kahatee pati bholoo kitanaa hai.

Topic: