Receive exquisite poems.
Corona Kaal Kaa Prem Geet

yah prateekShaa kee ghaḌee hai,
tum udhar asahaay, ham bhee hain idhar nirupaay
us par
beech men duvidhaa aḌee hai!
yah prateekShaa kee ghaḌee hai!

yoo(n) hue abhishapt,
arjit puNy
ho niShphal gae hain,
svarg se laaye dharaa par
sookh sab
parimal gae hain,

yah sameekShaa kee ghaḌee hai,
kyaa kiyaa hai paap hamane yaa ki tum ne
yaa ki jag ne,
jo ye vipadaa aa paḌee hai!

tan thaa
vRndaavan sareekhaa
kyon shilaavat ho gayaa hai,
man kanhaiyaa thaa,
achaanak
kyon tathaagat ho gayaa hai,

yah pareekShaa kee ghaḌee hai,
ek bhee uttar abhee soojhaa naheen hai
aur sammukh
yakSh - prashnon kee laḌee hai!
- Amrit Khare
Recited by: Jogendra Singh
Topic:
Corona Lockdown (5)

काव्यालय को प्राप्त: 18 May 2020. काव्यालय पर प्रकाशित: 3 Jul 2020

***
Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500
₹ 250
Another Amount
Amrit Khare
's other poems on Kaavyaalaya

 Anamanee Hai Saanjh
 Abhisaar Gaa Rahaa Hoon
 Corona Kaal Kaa Prem Geet
This Month :
'Kuchh Prem Kavitaayein'
Pradeep Shukla


1.
prem kavitaa, kahaaniyaa(n) aur ph़ilmen
jahaa(n) tak le jaa sakatee hain
main gayaa hoo(n) usake paar
kaee baar.
ik ajeeb-see bechainee hotee hai vahaa(n)
jee karataa hai thaam loo(n) koee cheej
koee haath, koee sahaaraa.
main Tik naheen paataa vahaa(n) der tak.

suno,
abase
..

Read and listen here...
This Month :
'Swatantrataa Kaa Deepak'
Gopalsingh Nepali


ghor andhakaar ho, chal rahee bayaar ho,
aaj dvaar dvaar par yah diyaa bujhe naheen.
yah nisheeth kaa diyaa laa rahaa vihaan hai.

shakti kaa diyaa huaa, shakti ko diyaa huaa,
bhakti se diyaa huaa, yah svatantrataadiyaa,
ruk rahee n naav ho, zor kaa bahaav ho,
      aaj gangadhaar par yah diyaa bujhe naheen!
      yah svadesh kaa diyaa praaN ke samaan hai!
..

Read more here...
This Month :
'Yuddh Kee Vibheeshikaa'
Gajendra Singh


yuddh agar anivaary hai socho samaraangaN kaa kyaa hogaa?
aise hee chalataa rahaa samar to naee phasal kaa kyaa hogaa?

har or dhue(n) ke baadal hain, har or aag ye phailee hai.
bachapan kee aa(n)khen bhayaakraant, khaNDahar ghar, dharatee mailee hai.
chhaayaa nabh men kaalaa patajhaḌ, kho gayaa kahaa(n) neelaa manjar?
jharanon kaa gaanaa thaa kal tak, par aaj maut kee railee hai.

kilakaaree bharate ..

Read and listen here...
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
contact us | about us
Donate

a  MANASKRITI  website