is sote sansaar beech,
jag kar saj kar rajanee baale!
kahaa(n) bechane le jaatee ho,
ye gajare taaron vaale?
mol karegaa kaun,
so rahee hain utsuk aa(n)khen saaree.
mat kumhalaane do,
soonepan men apanee nidhiyaa(n) nyaaree..
nirjhar ke nirmal jal men,
ye gajare hilaa hilaa dhonaa.
lahar hahar kar yadi choome to,
kinchit vichalit mat honaa..
hone do pratibimb vichumbit,
laharon hee men laharaanaa.
'lo mere taaron ke gajare'
nirjhar-svar men yah gaanaa..
yadi prabhaat tak koee aakar,
tum se haay! n mol kare.
to phoolon par os-roop men
bikharaa denaa sab gajare..
