Visvashtaa - Shiv Mangal Singh 'Suman'. काव्यालय| Kaavyaalaya: House of Hindi Poetry

main naheen aayaa tumhaare dvaar
         path hee muḌ gayaa thaa.

gati mili main chal paḌaa
         path par kaheen rukanaa manaa thaa,
raah anadekhee, ajaanaa desh
         sangee anasunaa thaa.
chaa(n)d sooraj kee tarah chalataa
         n jaanaa raatadin hai,
kis tarah ham tum gae mil
         aaj bhee kahanaa kaThin hai,
tan n aayaa maa(n)gane abhisaar
         man hee juḌ gayaa thaa.

dekh mere pankh chal, gatimay
         lataa bhee lahalahaaee
patr aa(n)chal men chhipaae mukh
         kalee bhee muskuraaee.
ek kShaN ko tham gae Daine
         samajh vishraam kaa pal
par prabal sangharSh banakar
         aa gaee aa(n)dhee sadalabal.
Daal jhoomee, par n TooTee
         kintu panchhee uḌ gayaa thaa.

- Shiv Mangal Singh 'Suman'

Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500

₹ 250

Another Amount

Shiv Mangal Singh 'Suman'
's other poems on Kaavyaalaya

Aabhaar

Visvashtaa

This Month :
'Kuchh Prem Kavitaayein'
Pradeep Shukla

1.
prem kavitaa, kahaaniyaa(n) aur ph़ilmen
jahaa(n) tak le jaa sakatee hain
main gayaa hoo(n) usake paar
kaee baar.
ik ajeeb-see bechainee hotee hai vahaa(n)
jee karataa hai thaam loo(n) koee cheej
koee haath, koee sahaaraa.
main Tik naheen paataa vahaa(n) der tak.

suno,
abase
..

Read and listen here...

This Month :
'Swatantrataa Kaa Deepak'
Gopalsingh Nepali

ghor andhakaar ho, chal rahee bayaar ho,
aaj dvaar dvaar par yah diyaa bujhe naheen.
yah nisheeth kaa diyaa laa rahaa vihaan hai.

shakti kaa diyaa huaa, shakti ko diyaa huaa,
bhakti se diyaa huaa, yah svatantrataadiyaa,
ruk rahee n naav ho, zor kaa bahaav ho,
aaj gangadhaar par yah diyaa bujhe naheen!
yah svadesh kaa diyaa praaN ke samaan hai!
..

Read more here...

This Month :
'Yuddh Kee Vibheeshikaa'
Gajendra Singh

yuddh agar anivaary hai socho samaraangaN kaa kyaa hogaa?
aise hee chalataa rahaa samar to naee phasal kaa kyaa hogaa?

har or dhue(n) ke baadal hain, har or aag ye phailee hai.
bachapan kee aa(n)khen bhayaakraant, khaNDahar ghar, dharatee mailee hai.
chhaayaa nabh men kaalaa patajhaḌ, kho gayaa kahaa(n) neelaa manjar?
jharanon kaa gaanaa thaa kal tak, par aaj maut kee railee hai.

kilakaaree bharate ..

Read and listen here...