mainne anajaane hee bheege baadalon se poochhaa
chhuaa tumane kyaa
us seep men motee ko
baadalon ne nakaaraa use
bole duharee hai anubhooti meree
bahut sajal hai seep kaa motee
meraa sopaan naheen
svapn naheen
apane men ek girah lie rahataa hai
samudr kaa shor lie rahataa hai
main chhoo bhee loo(n) usako
to bhee vo apane astitv lie rahataa hai
kathan ho yaa kahaanee vo
ek paatr banaa rahataa hai
a(n)juli bhar pee bhee loo(n)
to bhee vo ek marusthal banaa rahataa hai
yah vo ekaakee hai jo mujhe chhootee hai
mujhe nakaar mujhe hee apanaatee hai
seep men motee ban svaati nakShatr ko damakaa jaatee hai
meraa hee paatr ban mujhe hee a(n)guli bhar paanee pilaa jaatee hai
isee garimaa ko apanaa mujhe hee chhoo jaatee hai.
main yahee anubhooti lie
nakaarate hue apanaate hue
bheegate hue bahate hue
seep men hee motee ban jaatee hoo(n).
