kisane kahaa itihaas meraa hai yaa tumhaaraa
yah to ek samooh hai jo idhar se guzar gayaa
ek khyaal hai jo karavaT badal kar so gayaa
ek taareekh hai jo samay kee lipi se miTee jaatee hai
aaj jin taalibaan ne buddh ke avasheShN ko naShT kiyaa
kal vo bhee samay kee lipi par bikhar jaae(n)ge
maanaa jeene ke lie ham sab kaa saarthak honaa zarooree hai
par kisee kee saarthakataa ko nirarthak banaanaa zarooree to naheen
samay kee lipi par kured kar apanaa pataa likh bhee diyaa tumane
to bhee itihaas n meraa hai n tumhaaraa
yah to ek samooh hai jo idhar se guzar gayaa
ek gumanaam pataa hai jo aage moḌ par jaa kar bikhar gayaa.
