divasaavasaan kaa samay -
meghamay aasamaan se utar rahee hai
vah sandhyaa-sundaree, paree see,
dheere, dheere, dheere,
timiraanchal men chanchalataa kaa naheen kaheen aabhaas,
madhur-madhur hain donon usake adhar,
kintu zaraa ganbheer, naheen hai usamen haas-vilaas.
ha(n)sataa hai to keval taaraa ek -
gu(n)thaa huaa un ghu(n)gharaale kaale-kaale baalon se,
hRday raajy kee raanee kaa vah karataa hai abhiShek.
alasataa kee-see lataa,
kintu komalataa kee vah kalee,
sakhee-neeravataa ke kandhe par Daale baa(n)h,
chhaa(n)h see ambar-path se chalee.
naheen bajatee usake haath men koee veeNaa,
naheen hotaa koee anuraag-raag-aalaap,
noopuron men bhee run-jhun run-jhun naheen,
sirf ek avyakt shabd-saa 'chup chup chup'
hai goo(n)j rahaa sab kaheen -
vyom manDal men, jagateejal men -
sotee shaant sarovar par us amal kamalinee-dal men -
saundary-garvitaa-saritaa ke ati vistRt vakShasthal men -
dheer-veer gambheer shikhar par himagiri-aTal-achal men -
uttaal tarangaaghaat-pralay ghanagarjan-jaladhi-prabal men -
kShiti men jal men nabh men anil-anal men -
sirf ek avyakt shabd-saa 'chup chup chup'
hai goo(n)j rahaa sab kaheen -
aur kyaa hai? kuchh naheen.
madiraa kee vah nadee bahaatee aatee,
thake hue jeevon ko vah sasneh,
pyaalaa ek pilaatee.
sulaatee unhen ank par apane,
dikhalaatee phir vismRti ke vah agaNit meeThe sapane.
arddharaatree kee nishchalataa men ho jaatee jab leen,
kavi kaa baḌh jaataa anuraag,
virahaakul kamaneey kanTh se,
aap nikal paḌataa tab ek vihaag!
