Rishtey
rishton ko seemaaon men naheen baa(n)dhaa karate
unhen jhoo(n)Thee paribhaaShaaon men naheen Dhaalaa karate

uDanen do inhen unmukt pa(n)chhiyon kee tarah
bahatee huee nadee kee tarah
talaash karanen do inhen apanee seemaaen
khud hee Dhoo(n)Dh lenge upamaaen

honen do vahee jo kShaN kahe
seemaa vahee ho jo man kahe
- Anoop Bhargava
Anoop Bhargava
email: [email protected]
Anoop Bhargava
email: [email protected]

***
Anoop Bhargava
's other poems on Kaavyaalaya

 Agle Khambe Tak Kaa Safar
 Astitva
 Prateekshaa
 Yun Hee
 Rishtey
This Month
'Geet Koyee Kasamasaataa'
Anita Nihalani


neel nabh ke paar koee
mand svar men gunagunaataa,
rooh kee gaharaaiyon men
geet koee kasamasaataa!

nirjharon saa kab bahegaa
sang Khushaboo ke uḌegaa,
jangalon kaa maun neerav
baarishon kee dhun bharegaa!

..

Read and listen here...
This Month
'Suprabhaat'
Prabhakar Shukla


nayan kaa nayan se, naman ho rahaa hai
lo uShaa kaa aagaman ho rahaa hai
parat par parat, chaandanee kaT rahee hai
tabhee to nishaa kaa, gaman ho rahaa hai
kShitij par abhee bhee hain, alasaaye sapane
palak khol kar bhee, shayan ho rahaa hai
jharokhon se praachee kee pahalee kiraN kaa
lahar se pratham aachaman ho rahaa hai
hain nahalaa raheen, har kalee ko tuShaaren
lagan poorv kitanaa jatan ho rahaa hai
vahee shaakh par pakShiyon kaa hai kalarav
prabhaateesaa lekin, sahan ho rahaa hai
baḌhee jaa rahee jis tarah se aruNimaa
hai lagataa kaheen par havan ho rahaa hai
madhur mukt aabhaa, sugandhit pavan hai
naye din kaa kaisaa sRjan ho rahaa hai.
..

Read and listen here...
Next post on
Friday 26 July

To receive an email notification
Subscribe
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
submission | contact us | about us

a  MANASKRITI  website