saa(n)jh kee belaa ghiree, maa(n)jhee!
ab jalaayaa deep hogaa re kisee ne
bhar nayan men neer,
aur gaayaa geet hogaa re kisee ne
saadh kar manjeer,
marm jeevan kaa bhare aviral bulaataa
sindhu sikataa teer,
svapn kee chhaayaa giree maa(n)jhee!
digvadhu-saa hee kiyaa hogaa kisee ne
kunkumee shrRngaar,
chhilamilaayaa som-saa hogaa kisee kaa
re rupahalaa pyaar,
lauTate rangeen vihagon kee dishaa men
moḌ do patavaar!
sRShTi to maayaa niree, maa(n)jhee!
